Vor vielen vielen Jahren wurde a klane Version der Uhr erfunden. Ma hot sis üwas Armgelenk schnoin kennan. Die Rede is vo da Armbanduhr. Wer vo uns oidn Federn hot sowos ned ghobt? Es woa scho ideal, wennst so a Uhrli um dei Haund ghobt und immer gwusst host wie spät es grod is. Sehr praktisch wennst zur Partnerin sogst, dassd eh um 19 Uhr daham bist. Beim Wirten schaust daun moi, noch fünf Bier und drei Spritzer, gach aufd Uhr und stellst fest, dass scho 18:45 Uhr is – hui, die Armbanduhr hot da den Oarsch grettet, sunst hätt eam die Frau auzundn.

Und heite siech i, dass Apple (so a Unternehmen mit technischen Geräten) eanare „Smartwatch“ vorgstellt hot.

Aaaaaahaaaaa – a Smartwatch, oiso a gscheide Uhr? Wos kau de genau? Zitat:„Um die Apple-Uhr überhaupt nutzen zu können, muss der Nutzer dieses permanent mittels Bluetooth an ein iPhone der 5er- oder 6er-Serie mit aktuellem iOS-8-Betriebssystem koppeln. Die Watch soll mittels der Software Siri zu steuern sein und unter anderem E-Mail, Facebook-Nachrichten und SMS auf dem Display anzeigen könne. Das Antworten ist aber nur mit vordefinierten Texten möglich, da die Uhr keine Tastatur bietet. Außerdem können Fitnessinformationen wie Herzfrequenz angezeigt und gespeichert werden, auch eine gewisse Wasserdichtheit soll gegeben sein. Und über den Dienst Apple Pay kann die Uhr zum Bezahlen an den Kassen eingesetzt werden. Als Knackpunkt für den Erfolg wird unter anderem die Akkulaufzeit angesehen. Wurde diese anfangs noch mit 2,5 Stunden bei aktiver Nutzung durch Touchen, Drücken und Drehen angegeben, soll die Laufzeit nun auf bis zu fünf Stunden erhöht worden sein. Wird nur wenig rumgedrückt, soll der Akku einen Tag schaffen und über Nacht via Induktion wieder aufgeladen werden.“

Ois kloa, i muas ma oiso a neueres iPhone zualeng, damit i de „Uhr“ üwahaupt bedienen kau. I kau auf Facebook rumsüchteln und vüle aundare Sochn, de i bereits mit meinem Handy erledigen kau.

Meine Frage: Warum zum Teifl kaft ma si sowos? Ma hot jo bereits a iPhone wenn ma de Smartwatch hom wü. Wozu oiso a Mini Version am Armbandl? Nur um „cool“ zu wirken? I seh nämlich kan Nutzen in dem Gaunzn. Wieso suit i fia sowos Göd aussehaun?

Auf Facebook siech i scho die gaunzn Apple Fans Saltos schlogn. Lustigerweise san de olle im Oita vo 13 – 16 Joahr – wer wird des oiso zoihn? Meistens Mama und Papa. Und wos stön de damit au? „Guggst du, i hob a Smartwatch. Jetzt hob i SUICHE Eier und bin a geile Sau, weu i des auf meina Haund hob. Mädls, kummts her und streits eich um mi.“

Na, wirklich, i kau nur den Schädl beidln. I find des idiotisch.

Mei derzeitige Uhr hot ma kane 50 Euro gekostet, hob i bereits seit 4 Joahr und stöts eich vor – de rennt mit Batterien. Und stöts eich vor – de hoitn seit 4 Joahr. Und de is sogoa wossadicht. Und ihr miasts eichre Smartwatch jeden Tog aufladen, weu sunst da Akku aus is.

Tuat ma Lad, owa i muas lochn…

Wie stehts ihr zu dem Thema? Findets ihr des genauso unnedig wie i?