Wenn i die heutigen „Männer“ (natürlich wirf i ned olle in an Topf!) auschau, daun muas i immer wieder mitn Schädl beidln. I hoit üwahaupt nix vo suichn Sprücherl wie „Früher war alles besser, früher war alles gut“ etc…, is meiner Meinung noch a Bledsinn. Owa grod beim vorherigen Sprichwort muas i, leider Odins, mehr oder weniger zustimmen.

I was ned, ob eich des aufgfoin is, owa meiner Meinung noch geht des Maskuline laungsaum owa sicher mehr und mehr valoren. Letztens woa i bissl Gwaund kaufn, moch i eh total sötn, und wia i bei an H&M vorbeikumman bin, hob i glaubt i bin in an Frauengschäft. Bledaweise woa i sogoa in da Männerabteilung. Hättan nur mehr die Sommerkladln gföht, daun hätt si jede Frau wos schens gfundn. Stottdessn kafn die „Männer“ duatn ei. Geschmäcker san vaschiedn, owa hin und wieda gibts Leid ohne Gschmockssinn wenns vastehts wos i man.

Friacha woan ma total froh, wenn ma in da Jugend endlich sichtbare Hoa auf die Haxn griagt hom. Heitzutog findens ua vüle in dem Oita supa, wenn sa si die Hoa rasieren. Im schlimmsten Foi sogoa mit Kaltwachsstreifen entfernen.

Friacha woan ma no glicklicher, wenn ma an stoakn Haarwuchs ghobt hom. Des hot uns männlicher wirken lossn und wir hom uns neama wie klane Kinder gfüht. Heitzutog lossn si die Mauna die Augenbrauen zupfen.

Beim Fuatgeh woa uns total wurscht wie ma ausgschaut hom, bissl schena ois in da Oaweit hoit. Heitzutog gibt’s Mauna, de si sogoa a wengl Make-Up ins Gsicht haun, passend zu den zupften Augenbrauen. Und wehe es fliagt moi a Glasl um und a boa Tropfn fliang aufs Gwaund. Do faung ma glei zum Jammern au. Wos passiert, wenn des die Madln sehng? Katastrophe!

Friacha woas uns total wurscht wie wir in da Bodehosn ausgschaut hom. Auch die Eierbecher Hosn woan uns komplett egal, homma hoit a wengl zang kennan, wos die Frauen erwoartet. Die heitigen Mauna bzw. heranwachsenden Männer finden suiche Hosn „total schwul“ und ziangs liawa ned au – Owa pinke Minirock-Bodehosn san natürlich total hetero und super. Und daun no aufreng, dass Conchita Wurst so berühmt is – meine Güte, vü Unterschied zu ihr homs do eh ned, Conchita hot hoit an Bort und wirkt desweng a wengl maskuliner.

Und natialich gibts no a Soch, damit ma in da pinken Minirock-Bodehosn total super und natürlich total männlich ausschaut. Draußen hots 35 Grad im Schottn, owa des is wurscht, wir miasn logischerweise ins nächste Solarium geh und uns 20 Minuten brotn lossn. Damit ma a schene Foarb griang. Draußn in da Sonne griagt ma de nämlich ned, des is nur a Gerücht. Do kumman die zupften Augenbrauen und die rasierten Haxn ned so guat zur Götung, außadem büdets an schenan Kontrast zum rosanen Rockerl, pardon, i man Badehose.

Friacha woas uns a total wurscht wie ma ausschaun, wenn ma in die Oaweit foahrn. Wir hom a total vü aushoitn miasn, weu ma jo an Auftrog zu erfüllen hom (auf da Baustelle). Heitzutog jammern die jungen Hackler (wieder moi: I wirf ned olle in an Topf!) wenn a boa Regentropfen vom Himmel foin, weu eana Frisur zerstört wird und sie eana Gel, wos natialich in da Oaweitshosn eigsteckt hom, ned auftrong kennan, weus zu noss is.

Wir hom friacha und a heite niemois Langeweile auf da Baustö ghobt, wir woan imma produktiv. Die heitign jungan Berschn nutzen fost jede Gelegenheit um amoi auf eana Smartphone zu schauen. Was ned, vielleicht schreims daun auf Facebook um 8:55 Uhr Mödungen wie „schupfe jetzt den 4. Ziegelstein in dieser Stunde“ oda wos was i.

Die Liste kenntat i no um einiges erweitern, owa i hob ehrlich gsogd kan Bock dazua. A Frage schwirrt jedoch in mein Schädl die gaunze Zeit herum, eppa kenntats ihr mir dabei höfn und die Auntwort nennen?

Die Männer die eanare Haxn rasieren, rasieren sie de a ihre Vagina?