Es is passiert. A Terroranschlag. In Paris, mitten im Herz vo Frankreich, a Laund wos fia Freiheit steht.

Zwei maskierte Männer mit Kalaschnikows stürmen in die Redaktion vo an Satireblatt und daschiaßn den Chef und aundare Mitarbeiter, unta aundarem auch an Polizisten.

Warum eigantlich?

Weu die besagte Zeitung Karikaturen vo Mohammed veröffentlicht hot, den heiligen Propheten des Islams. Im Islam san Abbilder vo eanan Gott und Propheten verboten, zwecks Götzenanbetung – ironischerweise is des im Christentum genauso, trotzdem kniat jeder vorm Kreiz, owa wurscht.

I persönlich hob des natialich glei in den Medien mitgriagt und so ziemlich ane der ersten Mödungen bezüglich der Attentäter woa: „Sie riefen ALLAHU AKBAR!“ (= Gott ist groß).

Auf guat Deitsch: Es woan Moslems.

Und scho is losgaungan in den Social Medias: „Scheiß Islam!“, „Deppate Terrorreligion!“, „Olle Moslems san gleich!“

Des is genau des wos ma so aufd Eier geht: Die Verallgemeinerung der meistn Leid. Es passiert a Terroraunschlog, es woa automatisch a Moslem und somit is da gaunze Islam a Organisation de den Terror fördert.

Owa wehe du weißt eam drauf hi, wos des Christentum scho ois augrichtet hot. Daun bist auf amoi der Typ, der nur in da Vergangenheit lebt und kane aktuellen Beispiele nennan kau, weu die Christen jo ka Scheiße mehr bauen.Auf die Frage, wos er zum katholischen Anders Breivik sogt, hob i leida ka Auntwort griagt. Genauso wie zu den Amokläufern vo Winnenden, Columbine High School, Josef Fritzl etc….

Wenns nochm gleichn Prinzip laufn darad, daun waradn oiso olle Christen amoklaufende Inzuchtler.

Vastehts auf wos i hinaus wü? Es bringt si nix, wenn ma imma olle in an Topf haut. Speziell beim Islam merkt ma des sehr oft.

I persönlich bin Atheist mit vollster Überzeugung und darad am liabstn olle Religionen verbieten und verbannen lossn. Owa trotzdem respektier i aundare Glaubenseinstellungen. Unta aundarem is a sehr guata Freind vo mir a gläubiger Moslem (seawas Ivo) und i hob ka Problem mit eam.

Leider wird’s daunk dem Aunschlog in Paris (der auf kan Foi zu verharmlosen is) wieder a uandliche Hasswelle geng olle Moslems und Muslima gem.Die rechte Scheiße vo Europa wird aufspringan und jubeln, weus wieda wos zum Reden hom. PEGIDA wird a Erektion griang, weus zeitlich grod perfekt passt etc…

Wenns so weida geht, daun dauats neama laung bis moi krocht. Schod, dass die meisten Leid ned die notwendige Hirnmasse hom, um die Allgemeinheit vo an klanan radikalen Teil zu unterscheiden.

Und vom Allgemein- und Geschichtswissen wü i goaned aufaungan, sunst schreib i moang no!

Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.