Es wird kälter, seit an Randl foin die Blätter vo die Bäume und heite hob i es erste Moi Eiskrotzn miasn. Kurz gsogd: Da Winter steht vor der Tür.
Die Winter steht ebenfalls vor der Tür. Olladings am Weg nach draußen.
Laung hots dauert bis moi wieder a Skandal aus da FPÖ ans Tageslicht kummt. Des sui jetza ka Anschuldigung an die FPÖ sei, die aundaren Parteien liefern genauso eanare Skandale und laden zum Kopfschütteln ei.
Owa des wos die guade Susi Winter do gliefert hot, is jo scho so lächerlich, dass ma drüber nur lochn kau. Siehe folgenden Screenshot:
Oiso nochmal zusammengefasst: Wir san die oarmen Schweine. Die Juden verfolgen uns heimlich und wuin uns laungsaum owa sicher vernichten. Die berühmte zionistische Verschwörung, de nur ans im Sinn hot. Die Weltherrschaft. Natürlich miasn si de des ois no mit den Illuminaten, Freimaurern, der Thule Gesellschaft, den Bolschewisten, da örtlichen Feuerwehr und natürlich mit den linksradikalen Linken Terroristen Schweinen ausschnapsen. Vorausgesetzt, die IS erlaubt des gaunze, weu de und die Flüchtlinge regieren jo zurzeit die Welt. Nachzulesen irgendwo, i hobs vo an Bekaunnten erfoahrn der wem kennt und der kennt wem der an Cousö hot und dessen Bruder sei Schwoger hot eam des gsogd. Oiso stimmts.
Die guade Susi (mei Ex haßt Susi, de woa emfois a wengl dubios) hot diesen Behauptungen, de i bewusst a wengl dramatisiert hob, hiermit zugestimmt. Aus ihrer Antwort lest ma heraus, dass sie davon überzeugt is, dass die Welt vo Zionisten gelenkt wird und diese unsere Wirtschaft und danoch uns zerstören wuin.
Geile Logik.
Morgen kummt übrigens da JFK von den Toten zurück, um es Ruder no rumzureißen. Gleichzeitig wird da Michael Jackson die Leid mit an Moonwalk motivieren, während da Elvis Presley In The Ghetto singt. Da Jimi Hendrix spüt dazua a fetziges Solo und da Tupac rappt dazua. Kaufts eich jetza VIP Plätze, ihr miasts ma nur 1.000 Euro auf mei Konto überweisen, daun hobts die Plätze, vertrauts ma!
Jednfois siecht a Blinder mit an Kruckstock, dass sie dieser Behauptung zustimmt. Sie meint daun, dass sie des ois „gedankliche Biegung“ wertet und ihr zustimmendes Kommentar eigantlich aufn Nachrichten Beitrog vom Viktor Orban gegolten hot.
Wieder a geile Logik. Ungefähr wie diese: I daschiaß an Menschen in Wien auf offener Straße mit mehr als 10 Schüssen. Danoch erklär i da Polizei, dass i eigantlich iagandwo in Tirol im Schützenverein tätig bin und i eigantlich vo Wien aus auf die Zielscheibe im tiroler Verein schiaßn wuitat. San zwoa glei a boa hundert Kilometer, owa machbar. Dummerweise is der Dodl in die Schussbahn grennt. Und des glei mehr ois 10moi. I kau jo nix dafia, er is söwa Schuid.
Zum Lochn. Genauso wie ihr aktuelles Statement auf Facebook.
„Mimimimimimi alle sind so gemein zu mir mimimimi ich kann das nicht verstehen mimimimi ich hab doch nichts gemacht mimimimi.“
Des is derart lächerlich, dass ma drüwa scho lochn muas. Und sogoa die FPÖ reagiert drauf und erklärt der guten Dame, dass sie ihr Nationalratsmandat abgeben muss, weu sie sonst vo da Partei ausgeschlossen wird. Sogoa denan is des zu deppat.
Wenn ma Scheiße baut, daun suitat ma wenigstens dazua steh. Vor ollem sollte ma sich bewusst sei, dass ma a Posting auf Facebook ned afoch so verschwinden lossn kau. Amoi gepostet, für immer im Datenstrudel.
Hut ab vor da FPÖ und deren Reaktion zu diesem Thema. Die anzig richtige Lösung! Hätt i ma wirklich ned docht, dass zu an derartigen Schritt greifen.
Auf Wiedersehen Frau Winter! I wünsch Ihnen vü Glick im Kampf gegen die zionistische Eroberung der Weltherrschaft. Kämpfens an vorderster Front und verteidigens des Abendland. Ned aufn Aluhuat vagessn. Die Geheimwoffn san übrigens in da Area 51 gelagert, damit gwinnt ma ois.
Peace
