Song Contest. Wenn i mi recht erinnere, daun suitat genau jetzt in diesem Moment (es is vor 21 Uhr) iagandwos auf ORF 1 wengan Song Contest laufen.

Mei, wie sche is des? Letztes Joahr homma den Contest gwunnan, daunk da Conchita Wurst. Obs jetza wirklich wegen der gesanglichen Stärke, oda wegen der Kunstfigur des Tom Neuwirth woa, sei mal dahingestellt – mir hot des Liad ned wirklich gfoin (des neiche Liad „Heroes“ is extrem genial! Gfoit ma!), owa mir is um die Message gaungan, de die Conchita in die Wöd aussetrong hot. A Frau mit Bort, logisch, dass do wos ned so recht zuageht. Oiso a Transvestit. A Mau der auf Männer steht, oiso schwul is.

Und genau dieser Mann hot gwunnan! Und des find i so sche – weus afoch so a richtiges „F*ck you“ an die homophoben Dodln do draußen is. Und a sehr großer Hoffnungsschimmer bzw. großer Funken in Richtung Toleranz wos dei persönliche Lebens- und Liebeseinstellung betrifft. Desweng hob i den Sieg vo Conchita Wurst richtig gefeiert!

Owa gfreit hob i mi über ihre Teilnahme domois ned. Normalerweise gibt’s jo immer a Vorausscheidung, wo die Zuschauer bestimmen können wer fia unser Laund hifoahrt und wer ned. Letztes Joahr is des ned da Foi gwen und iagandwo muas ma des a vasteh. Wir zoihn unsare GIS Gebür und i find, dass ma daun scho entscheiden kennt, wenn ma hischicken und ned afoch ois den ORF erledigen lossen. Do hots jo daun an uandlichen Aufschrei gebn, vor ollem wegen der schillernden Persönlichkeit de da ORF afoch so ausgsuacht hot.

Owa he, des muas ma denan Leid vom Küniglberg lossn: Ihr hobts vadaummt nomoi den richtigen Riecher ghobt und an Guidgriff gmocht. Trotzdem woa des ned die feine englische Ort und i finds no immer ned in Ordnung.

Song Contest – wos vabinden wir damit eigantlich?Meine ersten Gedaunken zu dem Thema san fuigande: ABBA, Celine Dion, Udo Jürgens, Lordi ( ;) ), Conchita Wurst. In dieser Reihenfolge. I bin zwoa Rock n Roller mit Herz und Seele owa i muas ehrlich zuagem, dass i a riesengroßer ABBA Fan bin und ma fost kane schenaren Liada ois de vo die Schweden eifoin. Celine Dion und ABBA hom nochm Sieg des Contests a Weltkarriere gestartet – und san bis heite eigantlich die Anzigen de des gschofft hom. Da Udo woa unser erster Sieger und hot a wos einzigartiges augrissn, owa bei weitem ned die Dimension. Lordi woa afoch nur geil zum Auschaun. Und die Conchita? Tjo, des is jetza die große Frage. I an ihrer/seiner Stelle würd schaun, dass i so schnö wie möglich noch Hollywood kumm.

Owa wos hoit i eigantlich vom Song Contest selbst? So guat wie goanix, er interessiert mi so vü, dass i ma des jetza goaned im Fernseher auschau. Vü Trara um nix, nochm Song Contest heat ma eh nix mehr vo den Teilnehmern. Die Conchita hots hoit supa, weu sie wos Einzigartiges in der Geschichte vo dem Wettbewerb is – desweng wirds a länger a Bekanntheit bleiben. Owa die aundaren Teilnehmer? Geh bitte, noch 2 Monat was fost kana mehr wer do olla mitgmocht hot. Kaunst froh sei, wennst no ois Musiker weiterlebn kaunst und nebenbei ned in da Pizzeria hackelst (sprichwörtlich wenns vastehts wos i man).

Um es kurz zu machen: Mir is da Song Contest total egal und i find a ned, dass Wien desweng an wirtschaftlichen und touristischen Anstieg verzeichnan wird. De boa Leid de desweng kumman? Pffff.

Und gaunz ehrlich: Der Typ der die Ticketpreise festglegt hot, der schloft wui mitn Hirn unta da Deckn. So teier, des is a Frechheit. Es wundat mi olladings, dass Leid gibt, de sie de Tickets kafn. Owa Geschmäcker san bekaunntlich verschieden und des respektier i ah, desweng loss i jedem sei Freid J I brauch den Song Contest ned.

Owa schickts The MakeMakes fia uns in die Stadthalle :-P

Wie stehts ihr zu dem Wettbewerb? Interessierts eich dafia? Schauts eam eich im Fernsehen au? Teilts uns eichre Meinung mit