Es is passiert.
Schowieder!
Schenk uns bitte ein Like auf Facebook! #meinungsfreiheit #pressefreiheit
Danke!
Zum wie vielten Moi? I was nimma.
Facebook hat mein Profil gesperrt!
I woa grod am Weg in die Steiermark, weu i mei freie Woche genießen wuitat. Iagandwaun hob i mi moi zruckglahnt, ane graucht und wuit schaun wos auf Facebook so obgeht, weu i a Büd gepostet hob, wos einige Leid a bissl haß rennan losst.
A Büd, in dem eigantlich nur die Woahrheit gsogd wird – denkts eich söbst, wen des aufreng kenntat. (Tipp: Leute, de pumperlgsund san, owa afoch kan Bock hom)
Und? Iagandwöche Einwände? I ned! Wenns weche hobts, daun schreibts es bitte – i loss mi gern vom Gegenteil überzeugen.
Die meisten Leute hom mir a zugestimmt. Ana hot sogoa gschriem „Grantige FPÖ Wähler in 3, 2, 1 ….“ und i hob herzhoft lochn miasn – heat ma des Argument, mitn Platzverlust bei da Arbeit jo sehr oft aus diesem Eck.
Es hot a ned laung dauert, bis i a dementsprechende Antwort auf a „owa de hackeln für viel weniger Geld“ Behauptung gschriem hob.
Mei Auntwort woa total sachlich, nix rassistisches, fremdenfeindliches, hetzerisches oder ähnliches. Es war die pure Wahrheit.
Und daun siech i auf amoi DIESE Meldung vo Facebook – i bin gsperrt woan und zwar wegen diesem Kommentar.
PS: Do wo i hackl, wird ma noch Quadratmeter bezahlt. A aussterbendes System, weusd natialich am Ende vom Monat vü mehr eisackln tuast. Mir gfoits.
Jedenfalls bin i wegen dera Meldung gsperrt woan.
Mei Frage an eich, weu ma vielleicht wer höfn kau: WAS verstößt hier gegen die Facebook-Gemeinschaftsstandards?
Des System is eigentlich eh afoch: A boa Leid druckn beim Kommentar auf „melden“ und geben hoit an Grund dafia au. Rassismus, Beschimpfung, Spam etc…., Facebook prüft des, wertens aus und greifen ein wenns valaungt is. Zum Beispü bei den unzähligen Videos wo Leid gefoltert oder glei daschossn werden, Tiere qualvoll und langsam getötet werden etc…
Suiche Videos san komischerweise wochen- in manchen Fällen sogar jahrelang auf Facebook zu sehng. Owa wehe i poste moi a sozialkritische Meldung – de is schnölla vom Netz ois ma schauen kau!
Im Sommer hob i mi beim Billa beschwert, weus a volle Restmülltonne voller guter Lebensmittel ghobt hom. Zwa Tog späda woa i wegen diesem Bild gesperrt und mei Profü is obendrein gelöscht woan.
Wos sogts ihr dazua?
Ich schließe den Blog mit an Zitat vo an leiwaundn Hawara aus da Sporszene:
I hoff, dass dieser Blog ned zu sozialkritisch woa und desweng ned gelöscht wird. Owa do moch i ma kane Sorgn, immerhin diaf ma do auf FischundFleisch unsere eigene Meinung vertreten J des gfoit ma, Facebook suitat si a Beispü aun eich nehman.
