Des Thema beherrscht die Medien seit Wochen. Flüchtlinge! „Die Völkerwanderung“.

Die Politik und die Medien putschen des Thema no richtig sche theatralisch auf, ma wü jo immer seinen eigenen Nutzen draus ziang. Da ane wü mehr Wähler damit griang, die aundan wuin mehr Leser gewinnen und im Endeffekt kummt a unseriöse Scheiße iagandwo ausse. Des is wie wennst zu vü gekochte Äpfel isst – iagandwaun scheißts di durch. Bleder Vergleich, gö? I was, woa gewollt. Warum? Was i ned.

Vor an Randl is da Artikel „Ich habe Angst“ vo da Silvia erschienen. Nur so nebenbei: Fois irgendwer vo eich behauptet, dass die Silvia a hetzender, rassistischer, ausländerfeindlicher Mensch is und FischundFleisch vo da FPÖ finanziert wird, der sui si bitte bei den folgenden Buchstaben augsprochn fühlen und si mein ausgtreckten Zeigefinger vo sei Gsicht vorstön: HAHAHAHAHAHAHAHAHAHAHAHAHAHAHAHAHA

Wirklich, i schiff mi glei au bei dem Gedaunkn. Des Kind kroatischer Eltern hot wos gegen Ausländer, eh kloa. I bin auch a gebürtiger Ungar und hoss de deppatn Paprikafresser ausm Osten. Scheiß Zigeina de hurlendigen. Suin zruckkreun wos herkumman san, wü kan denan sehng. Zum Glick bin i ned ana vo eana…..he woate moi, do woa doch wos. Upps…..

Fia olle de in da Schui nur Singen und Klatschen ghobt hom: Da vorherige Absatz war ironisch gemeint. Ironisch = spaßhalber = nicht ernst gemeint.

Owa wie schaut des jetza mit da Angst zwecks Flüchtlingen aus. Is es begründet, dass ma wegen der Flüchtlingswelle Angst hot? Oda is des übertrieben?

Mei Meinung zu dem gaunzen: Eigantlich is ma wurscht!

I hob ka Aungst. Olladings was i a, dass jederzeit wos passiern kau. Wer garantiert uns, dass vo die Flüchtlinge ned auf amoi ana auszuckt, a Messer ziagt und am Westbahnhof oder sunst iagandwo auf a boa Leid eisticht? Niemand garantiert uns des! Do kau ma no so sehr für die Rettung der Flüchtlinge sei, ma muas scho zugeben: Alles ist möglich!

Olladings is es a genauso meglich, dass iagandwer vo „uns“ Österreichern an Waffenschein besitzt und a boa Woffn daham hot. Wos is, wenn da Mayer Jäger vom Laund a wengl grantig is, weu da Vater Staat a unfähiges Oarschloch is und si desweng a Schoita in seinem Hirn umlegt?

Wos is, wenn er daun mitn Auto noch Wien foahrt, auf an belebten Platz aussteigt (song ma moi er parkt irgendwo beim Schwedenplatz) und daun auf lässig mit seinem Gewehr herumschiaßt und die Menschen mit Wild verwechselt? Daun is da Schwedenplotz a dezente Bluatlockn.

Genauso leicht warads, dass a Österreicher am Saumstog zu Mittag auf lässig in die SCS foahrt, a Woffn mitschleppt und schaut wie vü Leid er obknoin kau bevor er söwa daschossn oda niedagschlogn wird.

Olladings kau ma si daunk dem Internet mittlerweile sehr leicht a Bombe selber bauen. Des kau a klana Böller sei, oda a richtig gefährliche Scheißbombe. Anders Breivik hots bewiesen wie leicht des geht.

Wos i damit song wü?

Ma braucht si ned vor die Flüchtlinge auscheißn – da Mensch söbst is die Kreatur unter uns. Und da wir olle Menschen san, san wir olle dementsprechend a Kreatur de moi auszuckn und Amok laufen kennt.

Desweng hob i keine Angst vor den Flüchtlingen! Weu i genau was, dass mei Nochbar mi, aus wechn Grund a immer, total leicht obstechn kau. Und trotzdem geh i weiterhin in mein Goartn bzw. auf die Stroßn. Weu i mei Leben leben wü und i mi vor den Trotteln do draußen ned fertig mochn loss.

Angst vor Flüchtlingen? Na!

Angst vor Menschen? Na!

Bewusst, dass jeder vo uns iagandwaun moi wen umbringan kau? Jo!

Bewusst, dass Österreicher genauso terroristische Anschläge verüben können? Jo!

Immer no ka Aungst? Na, weu eigantlich is ma wurscht!