Einige vo eich werdn vielleicht scho wissen, dass i a relativ große und bekaunnte Facebook Seitn hob und a mei Privatprofil relativ beliebt is – aus Gründen de ma bis heite unbekaunnt san, aungeblich suit i recht witzig und gscheid sei.

Jednfois hob i daunk Facebook täglich Kontakt mit sehr vüln Menschen und diene a oft ois Psychologe wenn ma des so nennan derf. Meistens bin i die starke Schulter fia Frauen bzw. jugendliche Menscha de si bei mir ausplärrn, weu da Partner schowieda so a Oarschloch zu eana woa.

Und des bestätigt ma wieder des, wos i ma seit meiner Jugend denk: Frauen lossn si aufn Schädl scheißn und stengan mehr auf Oarschlecha ois auf aufrichtige und ehrliche Leid.

So oft les i Sochn wie: „Er hat mich betrogen“, „er flirtet dauernd mit anderen“, „er lässt mich ned fortgehen“ (des is übrigens a Frechheit!), „ich darf mit meinem besten Freund keinen Kontakt mehr haben“, „er lässt mich nix essen, weil ich dünner sein soll“ etc…..

Grod dass sa si ned vergewoitigen lossn.

Oiso meine lieben weiblichen Leser: WARUM ZUM TEIFL? Warum zum Teifl lossts ihr eich sowos gfoin? Es is jo ned nur in da Jugend so, a bei den ötaren Frauen findet ma des teilweise vor.

I man, wos zum Teifl geht eichan Partner eicha Freundeskreis au? Der hot ned zum Entscheiden mit wem du Kontakt hom deafst und mit wem ned. Und dir verbieten, dassd fortgehst, des braucht a scho goaned. Und wenn a eich scho bescheißt und fremdgeht – wieso sads daun üwahaupt no mit eam zaum?

A Freindin vo mir wird im Summa 34 Joahr und hot letztes Joahr ihr zweites Kind griagt. Ihr Partner hots scho 1159872moi beschissen und sie was des. Trotzdem mochts nix. Amoi kummts ham und siecht wie da Hawara vorm klanan Kind (!) sei Ex veglt. Sie pockt ihre Sochn und ziagt zu ihrer Mama (da Hawara bleibt weiterhin in da Wohnung fia de sie zoiht) um noch 1 Wochn wieda zu eam zruckzukreun.Begründung: „Weil ich ihn liebe“ – und das Spiel beginnt von vorne.

Oiso liebe Frauenwelt: Klärts mi bitte auf, warum lossts ihr eich so vü gfoin? Es gibt wirklich nur sehr wenig konsequente Frauen auf dera Wöd de i kenn, de eana Leben so leben wies wuin und ned wies aundare gern hättn. Do kau si da Hawara no so sehr aufreng wias wuin, bester Freind bleibt bester Freind und fuatgeh duans wauns wuin.

Also, ich höre bzw. ich lese! Bin scho auf eichre Auntworten gspaunnt. Is eich schomoi so gaungan? Wenn jo, wuits es vielleicht mit uns teilen?

Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.