Oft stelln sich Leid die Frog, ob ma glicklich sei kau, wenn ma seinen Partner heimlich bescheißt. Und wie kau ma des üwahaupt vorm Partner geheim hoitn? Bringt an do ned es Gewissen um?

Mei Exfreindin hots jednfois kennan. Mit der hob i zusammen gwohnt, wir hom scho üwas Heiraten und Kinder griang nochdocht und auf amoi dawisch is mit an aundan Hawara im Adamskostüm auf meina Couch. Und des obwuih ma scho a launge Zeit zaum woan. I hob ned amoi aunsotzweise wos gmerkt, dass mi de Frau hinterrucks bescheißt wie a öffentliches U-Bauhn Klo.

Seitdem bin i jednfois ka Beziehung mehr eigaungan.

I wü gaunz ehrlich sei: Meiner Meinung noch is a Mensch, der seinen Partner bescheißt, so ziemlich es greßte Oaschloch wos ma unter die Augn kumman kau. Es is afoch unter olla Sau wenn ma jemanden vorgeigt, dass ma de Person liebt und a boa Stund späda vergnügt ma si schowieder mit da nächstbesten Frau während da Partner daham huckt und aun die glückliche Beziehung glaubt.

Mei Frage: Warum zum Teifl geht ma üwahaupt a Beziehung ei wenn ma sowieso fremdgeht? Wo steckt da Sinn dahinter? Klärts mi bitte auf!

Wenn i a Beziehung augeh, daun tua i des, weu i de Person liebe und a mit mir glicklich sei wü. Wenn i fremdgeh, daun lieb i sie aunscheinend doch ned so sehr oder bin neama so glicklich – zwa Komponenten wo i ma denk: Warum beendest des ned afoch? Warad a wengl afocher ois an auf heile Welt zu spün und hinterrucks ois vegln wos zum Greifn nah is.

Und daun haßts jo imma, dass nur wir Männer fremdgehen, wos natialich kompletter Bledsinn is – siehe es Beispü mit meina Ex. Die Frauen homs genauso faustig hinter den Ohren wie die Männer. Es kummt immer auf die Situation drauf au, wenn ma in da Beziehung ned glicklich is, daun wird’s ned laung dauan bis ma auf amoi in falschen Händen liegt.Und genau des is des wos i ned vasteh: Warum is ma üwahaupt no in ana Beziehung wenn ma eh scho neama glicklich is? Des is jo da Sinn vo ana Partnerschaft – glücklich sein!

I wia suiche Leid nie vasteh und i wüs ehrlich gsogd goaned. I bin froh, dass i Single bin und wia de Eistöllung vermutlich a neama ändern. Mir geht’s allanig total guat und i kau so oft Spaß hom mit so vü Frauen wie i wü, dass i ma ka schlechts Gewissn mochn muas. Und des is guat so. I hob a Zeit laung monogam glebt und des is noch hintn los gaungan. Desweng scheiß i drauf und genieß die Zeit ois freier Mann.Vielleicht suitn moi einige Leid nochdenken, ob des ned a besser fia eana warad.

Du kannst Teil unserer Community werden und so Kontakt zu Journalisten und anderen Usern aufnehmen. Registrier dich kostenlos und begeistere unsere Community mit deinen Kommentaren oder eigenen Blogbeiträgen. Registrier dich hier und hab Spaß!