I bin total fassungslos, wenn i an diese schrecklichen Ereignisse in Paris denke. Es erschüttert mi extrem, dass es derart idiotische Leute auf unserer Wöd gibt, de fia iagandan Blödsinn unschuldige Menschen töten.

Diese Menschen wuitn zu an Konzert geh, guade Musik hören und es Leben feiern. Stottdessen sans vo geisteskraunkn Vuitrotteln bestialisch und hinterhältig hingerichtet woan.

Genauso pervers is es an den anderen Anschlagsorten in Paris zuagaungan. Meinen höchsten Respekt hot dieser ane Security, der an vo die Attentäter gehindert hot ins Fuaßboistadion einzudringen. Daun warad des gaunz nämlich no vü schlimmer woan.

I vasteh diese Kreaturen ned. I sog bewusst Kreaturen, fia mi san des nämlich kane Menschen. Es schlimmste wos du auf dieser Welt mochn kaunst, is iagandwem des Leben zu nehmen. Kana hot es Recht zu sowos, niemand kau afoch so mir nichts dir nichts drauf losmorden.

Fia die Populisten is des natialich ois a gefundenes Fressen. De heben sofort den Finger und song „Wir habens euch gesagt, wir habens euch gesagt.“

Auf Facebook siech i Postings wo Leid schreim, dass aufgrund solcher Refugees Welcome Aktionen Terroranschläge wie in Paris entstehen. Es is die Schuld der „Gutmenschen“, weus die Flüchtlinge einabrocht hom.

Jo, logisch, die Flüchtlinge woans, wer sonst. Is eich schomoi eigfoin, dass de Flüchtlinge vor wos flüchten? Wissts a vo wem? Richtig, vom Islamischen Staat. Und ihr glaubts, die Flüchtlinge hom den IS mit noch Europa brocht? Sads es wirklich so deppat in da Birn oder mochts damit nur Spaß?

Rein logisch denken: Frankreich fliagt Luftangriffe auf die Stellungen des IS. Des taugt dem IS natürlich ned und ma will sich dafür rächen. In keinem Laund Europas is des so leicht wie in Frankreich, weu do sehr vü radikale Muslime leben, de die Ideale des IS gutheißen. Traurig aber wahr. Suiche Leid host olladings a in Österreich, oft sans sogoa gebürtige Katholiken. Gehirnwäsche macht vieles möglich.

Ok, jetza wia i ois dummer Gutmensch hingestellt, weu diese Attentäter natürlich daunk den offenen Grenzen noch Frankreich kumman san. Davor hom sa si gaunz sicher in Syrien ausbüdn lossn.

Scheint a schlechte Ausbildung gwen zu sei, weu de hom echt vadaummt wenig Leid im Bataclan umbrocht. Und mit ana guadn Ausbüdung waradns ins Stadion a einekumman. Des wean afoch Franzosen gwen sei, de si radikalisiert hom und afoch vo innen heraus operiert hom wennst vastehts wos i man.

Des is gaunz afoch, i kennt a nächsten Saumstog um 12 Uhr in da SCS mit ana Woffn einegeh und a bissl rumschiaßn.

Denkts a bissl noch, es gibt sehr vüle Waffengeschäfte bei uns. Einegeh, Woffn nehman (fois ma an Woffnschein hot) und wieder geh. Wenn ma kan Schein hot, daun besorgt ma si des mit Gewalt. Ois a leichte Aufgob, des kennt sogoa a 10jähriger Sonderschüler ohne Probleme schoffn.

Nur damits ihr moi sehts, wie leicht des is.

Des gaunze veranschaulicht uns auch, dass es bei uns jederzeit krochn kau. Scheißegal wo. Zu Mittag in da Kärntner Stroßn? In da SCS? Am Rathausplotz beim Christkindlmarkt? In da U3 im Morgenverkehr? Wer was, ois is meglich. Und des kennt jeda mochn. Jeder kenntat vo da IS gfischt wean, wenn a so deppat is und so an Bledsinn glaubt. Ois rational denkender Mensch foi i do sowieso ausse, brauchts oiso ned den Verfassungsschutz zu mir schicken.

Mittlerweile stellt si die Frage, ob wir uns fürchten suitn. Guade Frage. Meiner Meinung noch, brauch ma uns ned fiarchtn. Genau des is jo des Ziel der Terroristen. Dass wir uns ind Hosn scheißn. Und des zurecht, wer griagts do ned mit da Aungst zu tuan, wenn ma die Nachrichten vafuigt?

Da IS is jedenfois ned mit den Flüchtlingen gekommen. Die Al-Kaida hot a weltweit angegriffen, do woan kane Flüchtlinge de Bin Laden & Co hinten nochgschliffn hom.

Da IS is a Horde abnormaler, hirnamputierter Floschn ohne Selbstbewusstsein, de eana Ego jetza mit Leute umbringen stärken wuin und si eibüdn, dass des da Wille vo irgendeinem Gott is.

I verabscheue die monotheistischen Religionen, trotzdem hob i sie studiert und desweng kau i a song, dass die Handlungen des IS ned mit dem Islam übereinstimmen. Sicher, es is a monotheistische Religion, desweng wimmelts im Koran vo brutalen Erwähnungen vo Mord, Totschlag & Co. Und trotzdem deaf a gläubiger Moslem niemois an Menschen umbringan, weil es, so wie im Christentum, eine Todsünde is. Es Christentum is übrigens vü brutaler ois da Islam, unglaublich aber wahr, ma muas nur moi die Bibel lesen und daun nochdenken, ob ma si wirklich mit so an Bullshit identifizieren wü. Obwohl des vü Leid ned hean wuin. Des san owa meistens de Trotteln, de si nie informieren und eanare Bildung aus den Gratis Zeitungen und unzensuriert.at huin.

De hom no nie die Bibel und den Koran gelesen und danoch festgstöt, dass die Bibel eigantlich brutaler is ois die überarbeitete Version ausm arabischen Raum.

Jedenfois mocht mi des mit Paris fertig. Aundaraseits hots am gleichen Tog in aundaren Ländern genauso Katastrophen gem. Davo wurde nix berichtet, weus hoit ned so nah bei uns und duat mittlerweule zur Gewohnheit woan is. Schöne Neue Welt….

Mei Beileid geht an alle Freunde, Verwandte und Bekannte der Opfer von den Aunschlägen in Paris. Meine Gedaunkn san a bei den Todesopfern im Libanon, Gazastreifen, den Erdbebenopfern vo Japan und gaunz besonders an alle Todesopfer in Afrika. Während i diese Zeilen schreib, san wieder mehrere Kinder aufgrund vo Unterernährung gstoam. Und i kau nix dageng mochn, stottdessen huck i do und schreib meine Gedanken nieder.

Diese Welt auf der wir leben is wundersche. Nur des System dahinter is total fian Oarsch. Vo Politik bis Religion, die Liste is laung.

Meine letzten Worte mechat i no an die Attentäter vo Paris richten: Ihr sads kane Menschen!

Ihr hobts ka Religion!

Ihr sads afoch nur feige Mörder!

I hoff, dass eicha Oarsch vo Maschinengewehr Salven zerfetzt wird! Wos aundares verdients ihr Schweine nämlich ned!