Sie hots gschofft! Da Rekord vo da Annemarie Moser-Pröll wurde gestern egalisiert und heite gebrochen. Vo dera feschen amerikanischen Blondine namens Lindsey Vonn.

Wie reagiert Österreich darauf? Grundsätzlich samma jo recht erfuigsverwöhnt in die letzten Joahr, wenngleich a neama so stoak wie zu Zeiten vo Maier, Eberharter & Co – domois hättat sogoa da Marcel Hirscher um an Startplotz kämpfen miasn. Heite waradn ma froh, wenn ma mehrere vo dem Kaliber hättn. Owa egal, i schweif vom eigantlichen Thema ob.

Lindsey Vonn hot heite Sportgeschichte gschriem. Und scho hom die Diskussionen begonnen. Sie hot jo vü mehr Rennen bestritten ois unsre Annemarie und zu Moser-Prölls Zeiten hots no kan Super-G gem etc…

Meine Güte, pfeifts eich ned ind Hosen.

I vagunns da Lindsey. Kau ma sie eigantlich ned meng? Vüle werdens ois arrogant bezeichnan, obwuih i beim bestn Wün ned was, wo de arrogant sei suit. Sicher, sie is mitn reichsten Sportler der Wöd (Tiger Woods) zaum, owa darad des iagandwem auffoin? Da Tiger söwa meidet die Kameras wenn er moi zu seinen seltenen Skirennenbesuche erscheint und die Lindsey Vonn is imma no so bodenständig wie vor 5 Joahr. Meiner Meinung noch.

Bei da WM in Schladming hob i die Masn ghobt, dass i grod ind Hitten eikehrt bin und auf amoi die Lindsey und die Julia Mancuso duatn Pause gmocht hom. Geduldig hots Autogramme gschriem, Fotos mochn lossn und sogoa trotscht. I hob die Ehre ghobt, dass sa si a mit mir oblichten hot lossn – a boa Stund späda woas am Weg ins Kraunknhaus, weus den schweren Sturz mit da schwaren Knieverletzung ghobt hot. Kreizbandl woa hinig. Noch an Comebackversuch hots sa si des Kreizbandl glei nomoi ruiniert und da Weg zurück is länger und steiler woan.Und trotzdem hots es gschofft und steht wieder gaunz oman – mittlerweile ois erfolgreichste Skirennläuferin olla Zeiten. Und meiner Meinung noch hots des total verdient! Wer was wo si scho warad, wenns ned de Verletzung ghobt hätt – gleiches denk i ma imma vom Hermann Maier (Marcel, meide das Motorrad!!!).

Ois Österreicher ziag i mei Kappl und verneig mi vor der neichn Schneekönigin.

Gratulation Lindsey. Du schoafe Sau!

Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.