Es is passiert. Die hirnamputierten und geistig völlig zurückgebliebenen Aunhänger vom IS hom tatsächlich den Tempel vo Palmyra gesprengt. Fia jeden Geschichte Fan, der i bekanntlicherweise bin, is des a richtig schlimmer Stich ins Herz.
Obendrein homs a no den Chefarchäologen, der ironischerweise "al-Assad" im Nochnauman ghaßn hot, geköpft und sei Leiche im Tempel aufghängt.
Es werden laufend Weltkulturerbe Stätten zerstört. In ana Gegend wo die ersten menschlichen Zivilisationen ihren Lauf gnumman hom (Sumerer etc...). Leider wissn nur sehr wenige Leid, wos fia kulturelle und geschichtlich wichtige Stätten in Ländern wie Irak und Syrien san.
Und de werden jetzt am laufenden Band zerstört und wir schaun zua wie in an Kinosaal. Da gleiche Scheiß den domois die katholische Kirche gmocht hot, es Ergebnis woa es dunkle Mittelalter wo die Menschen auf amoi in Strohhittn glebt hom und zu deppat zum Scheißn woa, weu die Bildung vo hinten bis vorne verboten woa. Nur die religiöse Organisation hot si ois in Oarsch schiam diafn.
Die Geschichte wiederholt si, da IS mocht heitzutog genau es gleiche. Ironischerweise mit den fost gleichen Hinrichtungen. Wie gsogd - hinterwäldlerische Vuipfosten de im Mittelalter hängan bliem san.
Wie vü Blut muas no fliaßn? Wie vü Menschen miasn no bestialisch ermordet werden? Wie vü Kulturstätten miasn no sinnlos zerstört werden, damit a boa Vuitrottel so a damisches Gottesbild aubeten und si drauf an owahuin kennan, weus jetza Leid umbringan kennan fia des, dass friacha hechstwoahrscheinlich nur die Mobbingopfer in da Klass woan?
Es reicht! Es reicht afoch! Wir lem in ana Zeit, wo ma neama aun so an damischen religiösen Nonsens glauben suit, sundan a wengl a Realist werden sollte. Nur a klana Löffel Realismus darad scho ausreichen, daun würd ma neama irgendwöche Leid umbringan, de aungeblich "Götzen anbeten" und die Tempel vergangener Zivilisationen dem Erdbodn gleichmocht.
Wo is da Uncle Sam (Amerika), der sowieso bei jedem Schas in jedes Laund eifoit und eana die "Demokratie" bringan wü? Scheißts eich vorm bösen Onkel Wladimir aus Russlaund au oda wos? Den Irak homs üwarennt in da oidn Nazi Manier (Blitzkrieg) und vor so deppatn zruckbliebanen Dodl mit a boa Woffn und Messer scheißts eich in Tanga oda wos?
Es bringt si nix, waun si die Politiker in eanaren Anzügen iagandwo weit weg vom IS treffen und über die Problematik "beraten". Waun i scheißn muas, daun geh i a aufs Heisl und huck mi ned in Goatn um nochzudenken wie i mi am besten aufd Schissl huck, damits am besten flutscht. Na, wos isn des fia a Schas?
Predigen uns immer wos daher, dass da IS jo eh ned so vü Auhänger hot und scheißn si trotzdem au. Zivilisten kau ma schützen, indem ma Bodentruppen aussendet (kennts jo in ollen aundaren Ländern a sehr guat, und do san die Gegner dezent besser ausgestattet) de ned ois in Grund und Boden stampfen wie zum Beispü Bomben.
Na, mir stehts bis zur Stirn auffe. Wenn ma immer de scheiß Berichte in den Medien siecht, wo die Brutalität dramatisch geschildert wird, do denkt ma si jo scho, dass ma vü besser drau is wenn ma si gach a AK47 kaft, söwa owefoahrt und a bissl an Schweizer Kas produziert.
Willkommen im Jahre 2015, wo wir unseren Fortschritt zwecks Wissen no immer vo Dodlvereine des Monotheismus einschränken lossn und im Namen des einen Gottes, natürlich mit der Begründung "Gott/Allah liebt dich, wird dich rechtleiten" afoch moi de Leid umbringan, de ned die gleiche Glaubenseinstellung hom.
