In letzter Zeit wird diese Frage imma aktueller: Suit ma den Konsum vom Cannabis legalisieren damit jeder kiffen kau, egal waun und wo? Vüle Befürworter vo Marihuana gfrein si do meistens, springan auf und schrein begeistert: „JA!“
I rauch Marihuana seit guat 30 Joahr und steh a dazua, trotzdem sog i zur Frage mitn Legalisieren: NEIN!
Warum? I vasuchs zu erklären.
Nehm ma moi au, es wird bei uns in Österreich wirklich legalisiert. Mir warads wurscht, i kumm so und so zu mein Kräutl. Olladings darad si a Zielgruppe besonders gfrein, und zwar die Jugendlichen de sie immer hamlich eirauchen.
Wie wird des daun ausschaun? Ich weiß es nicht, owa i ahne nix guats bei dera Soch. Die meisten Jugendlichen mochens leider wirklich nur, weus wo dazuaghörn wuin. Oiso Gruppenzwaung und suiche Sochn. Olladings hob i a scho Aussogn gheat, dass nur rauchen „weus lustig is“.
Und genau des is es Problem! Wenn ma kifft, daun suitat ma des ned tuan weus lustig is, sundan weu ma sie entspaunnan wü. Noch an aunstrenganden Oaweitstog (und am Bau kauns oft extrem aunstrengend sei!) is afoch wirklich sche wennst hamkummst, die zrucklahnst, dir an Ofn drahst, des Zeig rauchst und danoch wahrlich schwebst. Olle Sorgen foin vo dir ob, du bist total relaxed und du wirst a sehr schnö eischlofn. Am nächsten Tog fühlst dich wie neu geboren und host gnua Kroft fias Schepfn.
Owa nur, wenn ma des Zeig ned missbraucht. Und do stöht si die nächste Frage: Wo beginnt da Missbrauch vo Cannabis? Und leider foit mir a do wieder die Jugend ei. Vüle Jugendliche, de nur rauchen „weus lustig is“, puffn sie wenns hochkummt ohne Probleme 10 Ofn am Tog hinter die Birn. Des kaun aufd Dauer ned gsund sei! A waun Cannabis ned schädlich is, Fakt is, dass ma davo high wird und logischerweise a bissl benebelt is. A psychische Abhängigkeit kaunst somit schnö griang (griagst übrigens a vo Nikotin, Schokolade, Sex, Mastubieren, Pornos und sogoa vom Orweitn – Workaholics) und grod in jungen Jahren is des ois aundare ois guat, weu ma sein Körper do no ned wirklich kontrollieren kau. Wennst oiso jeden Tog dauerwach durchd Gegend rennst, wird’s auf Dauer ned guat geh. Schulische Leistungen werden rapide in Boch oweschiaßn, hackeln wirst a ned so gscheid kennan etc…. do kummt einiges zaum.
Und des is des Problem wos i bei ana Legalisierung vo Marihuana befürchte: Dass extrem vüle Jugendlichen sie wos kaufn und jeden Tog sie einige Hiatln hinta die Stirn schnoizn.
Sicher is bei weitem ned so schlimm wie wenn sa sie jeden Tog ausaufn, weu da Alk afoch vü aggressiver und gefährlicher is – owa genau diese nicht-aggressive Art vo Marihuana mochts so gfährlich, desweng werdens die Dosis immer weita erhöhen und imma mehr rauchen. Finanziell schaut des ois aundare ois guat aus und ma mocht si hechstwoahrscheinlich in jungen Jahren scho Schuidn bei an Dealer, weu mas bei da offiziellen Verkaufsstelle neama kaufn kau – aufschreim deaf ma jo nix.
Deswegen: Legalisierung NEIN
Entkriminalisierung JA!
Wie stehts ihr zu dem Thema? Sads ihr komplett gegen Cannabis oder dafür? Wenns dagegen sads – warum? Scho eigene Erfahrungen gmocht auf dem Gebiet?Wenns dafür sads (oiso ned ois „horte Droge“ und so sehts) – wie stehts ihr zum Thema Legalisierung?
Bin auf eichre Auntworten gspaunnt
Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.
