Rauchen erst ab 18?
Jo, total sinnvoll und mit Sicherheit wirksam! I bin ma sicher, dass die Jugendlichen daun niemois an Tschick kumman wean. Genauso wie olle unter 16jährigen. Waß doch a jeder, dass niemand unter 16 Jahren raucht, weus absolut unmöglich is si Tschick zu kaufen, die Automaten mitn Kartenscan san afoch todsicher und wer würd si scho a Koartn vo wem Älteren ausborgen? Richtig, niemand!
Wirklich total super wos si die Regierung do einfoin losst, gfoit ma total, des is mit Sicherheit es größte Problem wos ma hom :) Warum suitn die unter 18jährigen a weiterhin rauchen können und somit Unsummen an Steuern in unser Wirtschaftssystem pumpen? Brauch ma ois ned, uns gehts eh so guat, de Steuern wean hoit daun wo aundast wieder kompensiert, wuhuuu.
Ohne Schmorrn, eich Politikern hots jo teuweise echt die Oarschhoar auf hoiwa 5e draht, oder? So vü Bledsinn vorschlong und daun a no Göd dafia griang, eichan Beruf hättat i gern, owa leider würdn daun wui sinnvollere Vorschläge aussakumman.
Lossts des Tabakgesetz so wias is, mit 16 is ma oid genug um söwa zu entscheiden ob ma rauchen will oder ned! Leben und leben lassen! Faungan sowieso olle scho mit 13 oder 14 au. Und wehe irgendwer wü ma jetza eireden, dass Verbote sowos verhindern.
Logisch, weu Jugendliche si natialich vo Verbote einschüchtern lossn und auf keinen Fall rebelliern wuin :) Keine Ahnung in wos fia ana Fantasiewelt ihr lebts, jednfois is die vorgestellte Story ziemlich realitätsfremd, idiotisch und sinnlos.
