Aufgrund der schrecklichen Geschehnisse der letztn Tog in Fraunkreich, hob i ma docht, dass i moi wieder wos positives bzw. aufheiterndes poste. Damits eich olle entspaunnan kennts, teil i jetza a guads Kuchenrezept mit eich – nämlich des vo an Jägermeisterkuchen. Glaubts mas, der schmeckt wirklich supa.

Ihr brauchts:

4 Eier

250g Dinkelmehl

200g Zucker

250g Butter

150ml Jägermeister (100ml fia de wos ned so intensiv hom wuin)

1 Teelöffl Zimt

2 Teelöffl Kakaopuiva

1 Pockung Bockpuiva

1 Pockung Vanillezucker

3 – 5 Esslöffel (optional) geriebene Haselnüsse

Und los geht’s: Butter, Zucker und Vanillezucker schaumig rühren bis die Masse sche hell wird. Eier und Jägermeister dazuageben. Danoch es Mehl mitn Backpuiva vamischen und laungsaum unterheben. Zimt, Kakao und Haselnüsse no beigeben und gleichmäßig verrühren. Die Masse tuats in a eigfettete und gemehlte Kuchenform einegebn.Bei 175 Grad lossts den Kuchen 60 Minuten (oiso 1 Stund) backen. Wenn ois guat geht, daun suitats den Jägermeister vo ana komplett aundan Seiten kennan und lieben lernen, weu da Kuchen is extremst guat. I wünsch eich guades Gelingen und wer wü kau gern Büda vom fertigen Werk posten.

Vü Spaß, wünscht eich Da Fraunz

Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.