Bubi - des woa da Name vo an klanan liebevollen Mischlingsrüden, der niemanden wos böses getan hot. Er woa der Liebling vo seine zwa Frauerln, a lieber klana Hund mit Lebensfreude bei zwa tollen Besitzern. Amoi hot die Besitzerin bei da U-Bahn kurz ned aufgepasst, hot auf a Anzeigetafel gschaut, plötzlich kummt a großer, stämmiger Mann mit Pitbull und ana schlaunkn Frau in Begleitung, und geht auf Bubi los. Afoch so tritt er auf eam ei, bis Bubi blutüberströmt und winselnd am Boden liegt. Niemand hot ghuifn und die Überwachungskameras woan ned eingschoitet.

Warum?

Warum geht ma afoch so auf an unschuldigen Hund los? Warum quält ma a Lebewesen so sehr? Warum helfen Passanten nicht der Besitzerin und ihrem Hund? Warum san die Kameras ausgschoitet? Wo is die Zivilcourage?

Bubi is gestern aun seinen schwaren Verletzungen gstoam. Afoch, weu a hoibstorker Trottl aus Laune auf eam losdroschn hot. Wie herzlos kau ma sei? Wos fia a Oaschloch muas ma sei, um sowos zu tuan? I was ned, i kaus ma ned erklären.

Irgendwie werden Bilder des Täters aun die Öffentlichkeit geraten und daun wird ers neama sche hom. In mir vermischt sich Wut mit großer Verzweiflung. Verzweiflung, weu i zu dieser grausamen Spezies Mensch gehöre. Verzweiflung, weu kana der oaman Frau und ihrem Hund ghuifn hot. Verzweiflung, weu der Täter ungeschoren davokumman wird.

I hoff, dass er irgendwie zu ana gerechten Strof kumman wird! Ruhe in Frieden Bubi, mei aufrichtiges Beileid aun die FrauerlDa Fraunz zählt mit mehr als 135.000 Facebook-Fans zu Österreichs berühmtesten Facebookerianern. Auf Zuckerbergs Plattform gilt er schon lange als Superstar. Da Fraunz schreibt nur in der Mundart und bloggt unter einem Pseudonym, niemand kennt die wahre Identität des Mannes. Profil ansehen