Auf da A4 zwischen Parndorf und Neusiedl (?) is a klana LKW am Pannenstreifen gstaundn. Die Autobahnpolizei is higfoahrn und hot gsehng, dass ausm Laderaum Flüssigkeit tritt. Später woa kloa, dass es sich darum um Verwesungsflüssigkeiten ghaundlt hot.

Im Frachtraum woan bis zu 50 Flüchtlinge drinnen. Ollesaumt tot. Ma was no ned wie sie gstoam san. Erstickt? Ermordet? Wir weans boid erfoahrn.

Jedenfois is es meiner Meinung nocht a sehr schlimme Tragödie de si do obgspüt hot. De flüchten vorm Tod und finden eam daun schlussendlich doch. Wenns noch mir geht hob i liawa a Kugel im Schädl, ois an laungsaumen und mit Sicherheit qualvollen Tod in an LKW Frachtraum mit dementsprechender Todesangst.

Und ois ob die Katastrophe ned schlimm genug warad, miasn a boa hoibstoarke "Patrioten" und "I bin ka Nazi, owa" Lebewesen (Des Wort "Mensch" benutz i fia eich Sauhund ned!) auf Facebook komplett öffentlich und für jedermann sichtbar Sochn wie "Natürliche Auslese", "passt scho so", "gut für uns" etc.... schreim!

Fois irgendwer vo diesen gewissen Personen diese Mödung grod lesen suitat, und i bin ma sicher, dass i einige vo eich (leider) auf meiner Freundschaftsliste hob, daun wü i eich bitte fuigandes song.

Ihr sads des OLLERLETZTE Stickl Scheißdreck, dens in unserem Laund gibt! Ihr sads die wahre Schande vo Österreich, ned die linken, grünen, wos-was-i-weche-Farbe-no "Gutmenschen", sundern NUR IHR!

Des is ka verdaummtes Computerspü, wo ihr eichan Controller geng die Waund schmettern und die Konsole neich starten kennts. Na, des is die verdaummte REALITÄT! Die Leichen in dem LKW san genauso Menschen wie DU und ICH - wobei i den Ausdruck Mensch bei eich, wie oben bereits erwähnt, eigantlich gern auglahnt lossn würde.

Ihr nennts eich söbst "Patrioten" und glaubts, dass ihr fia a Revolution in dem Laund sorgts, indem ihr auf Facebook eichan geistigen Dünnschiss kundgibts und fühlts eich dabei wie die weisesten Gelehrten und Experten beim Thema Flüchtlinge. Ihr valaungts, dass die Grenzen geschlossen werden, weu dadurch jo des ois verhindert werden. Dass ma durch geschlossene Grenzen jedoch spielend afoch hindurch kummt wenn ma wü, aun des denkts ihr ned. I bin es beste Beispü, bin mit 4 Joahr in den 60er Jahren durchn Eisernen Vorhang noch Österreich kumman. BUH, eicha Argument Nummer 1 is oiso fiad Fisch!

Vom Schengener Abkommen wü i goaned aufaungan, nehmts liawa moi Google zur Hilfe ihr unterbelichteten Vuipfostn!

Es sterben Menschen auf qualvolle Art und Weise, gaunze Familien werden ausgerottet und ihr hobts nix besseres zu tuan, ois eich darüber zu gfrein und des ois "gut" abzustempeln.

Ihr regts eich üwa die Flüchtlinge auf, weu de uns aungeblich die Arbeitsplätze wegnehman. Dass de jedoch extrem lange auf a Arbeitserlaubnis woatn miasn, des wuits aunscheinend ned wissen. Und während ihr eich aufregts, dass die Arbeitsplätze vo eana weggnumman wean, huckts ihr oaweitslos daham und lossts eichan Frust üwa eichan gescheiterten Lebensweg, den ihr söbst vabockt hobt, auf Facebook aus!

Söwa oaweitslos, oaweitsscheich oda zu deppat um a Ratschn zu bedienan, owa üwa Flüchtlinge aufreng, wenn de suiche Jobs griang, weu de hoit ned so scheiße und deppat san wia ihr!

Ihr sads diejenigen auf die gespuckt gheat! Ihr sads diejenigen, de unser Laund in den Dreck ziang! Ihr sads diejenigen, fia de ma si schämen muas! Ihr sads diejenigen, de in suiche LKWs gestopft ghean, damits amoi sehts wie guats eich Oarschlechan in unserem Laund geht!

Wer sich von diesen Zeilen augsprochn fühlt, dem mecht i no folgendes am Schluss song (mit an schenan Dank aun Circus HalliGalli):

Entfernts mi vo eichre Facebook Freind, blockierts mi, startets an Shitstorm geng mi und sogts ma wie unlustig i bin und scho immer woa: Es is mir scheißegal! Mit suichn Leid wie eich wü i NIX, ich wiederhole, NIX zu tuan hom! Ihr sads es ollerletzte und ihr werds es ollerletzte bleim!

Nennts mi ruhig an sogenannten "Gutmenschen", euer Lieblingswort Nummer 1, weu eich aunscheinend ned mehr eifoit und ihr ois nochplapperts wos gewisse Gruppierungen mit an IQ vo unter 4 vorpredigen - is ma wurscht, i bin liawa a guada Mensch ois a schlechter Mensch!

Hoffantlich werdets ihr irgendwaun öta bzw. a wengl gscheida, denkts an eichre gschissanen und idiotischen Aussogn zruck und kennts nur mehr mitn Schädl beidln!

Es gibt nämlich nix tiafares, ois wenn ma si über den tragischen Tod mehrerer Menschen lustig mocht bzw. dazu applaudiert und sich a no freut!

Go f*ck yourself!