Jetza sitz i gaunz allanig hier

und trink genüsslich mei Feierabendbier.

Vo meina Terrassn schau i ausse in mein Goatn

und kauns goaneama dawoatn,

bis wieda wärmer wird

und da Fraunz mit hübschen Frauen im Pool eskaliert.

A hübsche Frau, des warads jetza, auf englisch sogst dazua "chick"

Stottdessn begnüg i mi mit ana stinknormalen Tschick.

Da Rauch steigt auf, mei is des sche.

Warum schreib i des eigantlich, des darad i gern vasteh.

Mei Haus is a anzige Stereo Aunlog, mit Boxen in da gaunzn Hittn

kau i mi jedn Tog mit da schensten Musik zuaschittn.

Zurzeit huach i grod Comfortably Numb vo Pink Floyd

denk zruck aun die friachare Zeit und stö fest - i bin scho vadaummt oid.

53 wia i heite im Dezember,

ob i do nomoi mei Leben änder?

Mit Sicherheit ned, i bleib so wia i bin.

Des Anzige wos si ändert, is woahrscheinlich mei Stimm.

Und mei Frisur saumt die Hoa, da Bauch a glei dazua.

Iagandwaun nimmt mi wui nur mehr a Hua,

weu ohne Bezohlung goanix mehr geht

und da klane Fraunz hoffantlich no steht.

Wirds eich zu pervers? I hoff ned.

Weu i hob ka Niveau, owa i bin a ned bled.

A bissl zum Lochn wü i eich scho bringan

damit eichre Stimmen im Lochkraumpf erklingan.

Ois wos i jetza no moch: Eich bezirzen

Des geht am besten mit einigen Witzen.

Scheiße in der Lampenschale, gibt gedämpftes Licht im Saale.

Mischt da Bauer Gift ind Butter, is wui fia die Schwiegamuada.

Und Tipps für moang

wü i eich no besoang.

Isst am Obend Zwieflbrot, san am Moang die Fliang tot.

Und wenn oizu fruah da Morgen graut, is scho da gaunze Tog vasaut.

Des woas mit meiner Reimerei.

Nun beginnts ihr, mit da Kommentar Schleimerei ( :P ).

I huck mi wieda eine in mei schens Haus.

Draußn is a wengl frisch, des hoitst ned laung aus.

Graucht hob i, gsoffn ah.

Somit is ois wichtige erledigt, shalalalala.

Wünsch eich an wundaschenan Obend, genießts eam und lossts es eich guat geh - suitats jedn Tog mochn, so sads daun vü besser drauf :)