In wos fia ana kraunkn Wöd lem wir eigantlich? Wir wean vo korrupten Oaschkriacha regiert und unsre Richter san die Ungerechtigkeit und die Unfähigkeit. Warum? Folgende Beispiele:
Es woa amoi a junger deitscha Bursch naumens Kim Schmitz. Der hot si dauand mit Computern beschäftigt, woa moi a „Hacker“ und hot danoch a Seitn naumens „Megaupload“ gegründet – a Seitn wo ma si Dateien aller Art runterlodn hot kennan. Damit hot er vüln Internet Surfern a Freid gmocht.
Owa Feinde hot er si a ins Boot ghuit. Mittlerweile haßt er Kim Dotcom, wohnt in Neuseeland, hot Millionen verdient und die USA (wer sunst?) wü eam hinter Gitter bringan, weu er gegen des Copyright Gesetz verstoßen hot – eam drohen bis zu 20 Jahre Haft.
In Niederösterreich lebt zur gleichn Zeit a ötara Herr, nennen wir eam Karl. Da Karl is scho üwa 50 und lebt in da Nähe vo ana Schui. Des hot an guadn Grund, eam gfoin nämlich die jungan Menschen – weiblich ois auch männlich. Und mit jung man i ned jugendlich. Er wohnt nämlich gengüwa der Vuiksschui. Mit vülen verschiedenen Tricks hot ers gschofft, dass einige Kinder zu eam ins Haus einegaungan san. So guat wie olle woan danoch psychisch kaputt.
Des hot an guadn Grund – da Karl is nämlich pädophil und a verurteilter Kinderschänder. Noch 6 Monat is er wegen guter Führung wieder ausm Häfn aussakumman. Nochdem si wieder sehr vü Kinder ihre Probleme ihren Ötan anvertraut hom, is da Karl wieder festgnommen woan. De gaunze Soch is sogoa in den Nochrichten gwen.Es kummt zum Gerichtstermin, olle Eltern der geschädigten Kinder san vor Ort – und miasn mitansehen, wie da Karl a Strafe auf Bewährung + Fußfessel griagt.
A Vater vo den Kindern zuckt daraufhin aus und haut dem Karl a Watschn owa. Da Karl hot si ned valetzt, fliagt nur zu Boden und hot den Haundobdruck im Gsicht. Trotzdem wird da Vater vom Kind obgführt und späda zu 1.500€ Schadenersatz verurteilt.
Mei Frog aun eich: In wos fia ana Wöd lem wir bitte? Warum wird da Betreiber ana Downloadseitn mit 20 Joahr Häfn bedroht während a Kinderschänder Bewährung und a Fußfessel griagt? Sogts ma des bitte! Wo is do die Gerechtigkeit? Punkto Internetpersönlichkeit kennts eich stott Kim Dotcom gerne aundare Beispüle wie Edward Snowden oder Bradley Manning zur Haund ziang.
Und es is ma total wuarscht wos ihr sogts: Wenn i da Voda vo an dieser Kinder warad, daun hättat i den Karl umbrocht. Owa ned schnö, sundan sche laungsaum. Wenn i Kinder hätt und denan wird wos autau, daun wird Bluat fliaßn!
Da Fraunz zählt mit mehr als 135.000 Facebook-Fans zu Österreichs berühmtesten Facebookerianern. Auf Zuckerbergs Plattform gilt er schon lange als Superstar. Da Fraunz schreibt nur in der Mundart und bloggt unter einem Pseudonym, niemand kennt die wahre Identität des Mannes. Profil ansehen
