Van der Bellen hot gewonnen, die Demokratie hat entschieden und somit is es Ergebnis zu akzeptieren! Obs es wuits oda ned, owa er is jetza, egal obs eam gwählt hobts oder ned, eurer - also unser - Präsident!
Do hüft ka Jammern, ka beschweren und schimpfen hüft scho goaned! Es is nunmal so und es gheat akzeptiert. Zum zweiten Mal jetza übrigens scho.
Und jetza suitats eich olle moi wieder besinnen, den aggressiven Wahlkampf ad acta legen und moi genau nochdenken, wos a Bundespräsident in Österreich eigentlich wirklich zu tuan hot.
Richtig, goanix!
Vor zwa Joahr hob i moi a Meme vom Fischer gepostet mit folgendem Text: "Bestbezahlter Arbeitsloser!"
Des Meme hot unglaublich vüle Likes ghobt und so ziemlich jeder hot domois gschriem, dass der eh nix zu tuan hot außer nett in die Kamera zu grinsen und vo unseren Steuern zu leben. Die legendären "Heinzi Memes" hom eanan Rest dazua beigetragen.
Und jetza scheißn si genau diese Leid au, dass da Van der Bellen Österreich angeblich "in den Untergang" führt bzw. es mit unserem Land jetza "bergab" geht.
Aha, auf amoi? Wieso denn, wos wü a denn mochn? Olle Ausländer einehuin? Guat, wie schaut des aus? Mutiert da Van der Bellen zur landesweiten Grenze und ziagt olle Ausländer magnetisch eine oda wos? Und wie hätt des beim Hofer ausgschaut, hätt do auf amoi kana mehr einekumman kennan? Wie hätts eich des vorgstellt?
Eben, beide Varianten san nix aundares ois klassischer Bullshit!
Egal ob Hofer oder Van der Bellen, im Endeffekt läufts bei beiden genau gleich. A bissl lachi lachi (na Chris, i man ned di!), a bissi Handi schüttli schüttli, bissi Kaffe und Kuchen schmatzi schmatzi mit aundaren Staatsoberhäuptern, a bissl Spritzwein mitn Häupl Michi am Opernball, a Angelobung 2018 und natialich die Neujahrsansprachen. Des woas scho, mehr gibts ned, außer a boa Auslandsreisen. Wer zoihts? Richtig, da Steuerzahler - beim Van der Bellen genauso wie beim Hofer!
Oiso regts eich ned auf, sundan verzweifelts liawa, weu moang schowieder Montog is und wir olle hackln geh miasn. Die Wöd draht si weiterhin, wir griang weiterhin unseren Lohn und der wird si a ned verändern, weu eicha Favorit nicht oder doch Präsident woan is.
In diesem Sinne wünsch i eich no an schenan Obend. Prost, seawas.
Fraunz over & out!
