Es is passiert – schon wieder! Facebook hot mei Profil gsperrt.

Nochdem i a etwas lustige Aktion auf dem Netzwerk ins Leben gerufen hob und sich sehr vü Menschen daran beteiligt hom, is auf amoi die Meldung kumman, dass i mi nomoi neich eiloggen muas. I hob glei gwusst, wos jetza kumman wird. Und siehe da, folgende Meldung (genauen Wortlaut weiß i nimma) leuchtet auf.

„Dein Konto wurde vorübergehend gesperrt, da du anscheinend nicht deinen richtigen Namen verwendest. Wir bitten dich, deinen richtigen Namen anzugeben, damit deine Freunde wissen mit wem sie kommunizieren. Um dein Konto zu entsperren sende uns einen Fotoausweis oder ein anderes offizielles Dokument zu aus dem hervor geht, dass du deinen richtigen Namen verwendest.“

So, meine Damen und Herren – WOS SUI DES?

Wos zum Teifl gengan meine privaten Daten denan Facebook Habschis in da Zentrale au? An feichtn Schas, des is mei Privatsphäre, de nix auf dera Social Media Plattform zu suachn hot. Es is total wurscht, ob i mi jetza „Hans Meier“, „Lausi Leckbär“, „Käse Krainer“ oda „Hans Wurst“ nenne – mei echter Name hot de Leid ned zu interessieren! De suin froh sei, dass sowos geniales wie Facebook aufgstöt hom und sich dumm und deppat kassiern. Owa uns brauchns ned in den Freiheiten eischränken!

Guat, mei Profil is gsperrt, i wüs wieda entsperren. Es hüft ois nix, i muas eana an Ausweis und a aundares Dokument zum Vergleich zuaschicken. Is zwoa a bodenlose Frechheit und meiner Meinung a lächerlich, owa ok. Daunk meinem Profil bin i täglich mit unzähligen Leid in Kontakt, hüf etlichen Menschen bei deren Problemen, steh ois Psychologe, Philosoph, Lehrer, Ratgeber, Trottel vom Dienst etc… fia die aundan User zur Verfügung.

Warum? Weu is gern tua! Weu i gern hüf! Und weu i froh bin, wenn i die Leid a wengl zum Lochn bring. Is jo nix schlechtes dabei, i tua jo kan weh!

Mittlerweile bin i, daunk Facebook, meinem veröffentlichten Buach und meiner Aktivität auf FischundFleisch, sowos wie a Y-Promi woan. Oiso i kennt boid ins Dschungelcamp oda zu Dancing Stars. Des haßt, es is ned afoch jedn wurscht, wenns mei Profü vo an Tog aufn aundan neama gibt. Kane 2 Minuten hots dauert, do hob i auf meina Hauptseitn scho die Nochrichten griagt mit: „Homs die Profü gsperrt??“ „Fraunz wos is los, i find dein Profil nimma!“ „Franz dein Profil ist gelöscht worden“ etc….

Bei Facebook beschweren? Bringt si nix, de huckn am längeren Orm und schlussendlich taunzn ma jo eh noch eanara Pfeifn, weu wir wuin jo weiterhin do kommunizieren. Oiso hob i moi afoch auf meine Prinzipien verzichtet und eana die notwendigen Daten einegschickt. Des woa am Donnerstag gegen 18 Uhr.

Am Freitag bin i um die Mittagszeit herum wieder entsperrt wordn.

Do brennt jetza wieder die Frage wengan Datenschutz auf Facebook auf. Mittlerweule muast eana private Dokumente zuakumman lossn, damits da ned aufn Phallus gengan. Oiso i was ned, owa mir kummt des neama so seriös vor. Wos sogts ihr dazua?

I beende den Blog mit an Zitat vo mein Posting auf meina Hauptseite über des Thema (ausnauhmsweise auf hochdeutsch):

„Liebes Facebook Team, sehr ungeehrter HerrMark Zuckerberg!

Danke für die Sperrung meines Profils! Es ist wirklich traurig, dass man mittlerweile gesperrt wird, weil man nicht seinen richtigen Namen preisgeben will. Aber bei euch wird DATENSCHUTZ natürlich weiterhin groß geschrieben. Und Eier wachsen auf Bäumen.Noch trauriger ist die Tatsache, dass Sie einen Ausweis des Users verlangen, um dessen Profil wieder zu entsperren. Da vertraut man Ihnen, was Datenschutz anbelangt, natürlich gleich noch mehr.

Ich hoffe, dass Sie mit meinem Ausweis glücklich werden. Von mir aus können Herr Zuckerberg und dessen Kollegen gerne darauf ejakulieren, wenn es denen danach besser geht.

In der Hoffnung, dass Sie diesen Beitrag lesen, was eh nicht der Fall sein wird, wechsle ich gleich wieder in die heißgeliebte Mundart und verbleibe mit unfreundlichen Grüßen, wünsche Ihnen einen Motorschaden bei schrecklichen Durchfall mit blutigen Stuhl um 02:00 Uhr auf der Autobahn bei -30 Grad und Windstärke 12!“