Berechtigte Frage, oder?
Jo, gestern woa die Bundespräsidentenwahl.
Jo, die Blauen hom an vernichtenden und eindrucksvollen Sieg errungen.
Nein, da Hofer is no laung ned fix da Präsident.
Jo, i bin da Fraunz und i hob a boa Hirnschas de i mit eich jetza teilen wia.
Durch die Medien hob i jetza erfoahrn, dass si seit gestern scho etliche Facebook Seiten und aundare Organisationen gegründet hom, die „NEIN zu Hofer als Präsident“ verkünden. Tjo, des wird a wengl a Schuss in den Ofen.
Wir san bekanntlicherweise a Demokratie und das Volk ist der Souverän. Das Volk hot si gestern mehrheitlich fian Bertl entschieden. Im ERSTEN WAHLGANG!
Wer mi kennt, der was gaunz genau, dass i ois aundare ois a Freind vo da FPÖ bin. Da Strache fiahrt si jo auf Facebook no lächerlicher auf ois i in meine Aunfaungszeiten und des haßt hoit scho wos. Und da Hofer….najo, wer behauptet, dass es Chemtrails gibt, der is meiner Meinung noch a wengl a Kaschpal. Owa der hot gestern nur 2,3% griagt.
Owa jo, wos scheißts eich so au? Der erste Woihgaung sogt so vü aus wie mei heitiger Kaffee in da Fruah. Goanix, 50 Cent fia a kurze Aufputschung. Ein Hoch auf die Automaten bei Autobahnraststätten <3
Und jetza moi a klane Rechnung.
Anzahl der gestrigen Wahlberechtigten: 6.380.605
Vo diesen Leuten haben NICHT 35,1% den Hofer gwöht.
Na, die Wahlbeteiligung lag nämlich ned bei 100, sondern bei 68,5%. Eigantlich eh sehr hoch, verglichen mit den letzten Wahlen.
6.380.605 / 100 * 68,5 = 4.370.715 Wähler (gerundet) die wirklich zur Urne gaungan san.
Vo denan hom 35,1% fian Bertl gwöht. Oiso 4.370.715 / 100 * 35,1 = 1.534.121 Leute hom fian Hofer gwöht.
Es gibt oiso 2.836.594 Leute, die NICHT für an Blauen Präsidenten gwöht hom. Oiso, scheißts eich ned au, nix is fix. Außer mei nächster freier Tog, des is da Freitog – es lebe die kurze Woche am Bau.
Alle Angaben ohne Gewähr, hob i ausm Internet. Außer des mitn freien Freitog bei mir, des is die (fia eich) bittere Wahrheit.
Und söbst wenns da Hofer gwinnt: Scheißts eich ned au!
Es wird etliche Leid gem, de si immens darüber aufreng und eanare Energie dafia vaschwenden. Geht’s liawa hackln und hauts eichre Energie duatn eine, grod am Bau kennt ma eich olle brauchn. Ob Hofer oder Van der Bellen ois Präsident – scheißegal, Politiker bleim weiterhin Oarschlecha und hoitn eanare Vasprechen zum Großteu ned ei. Is jo a Ding der Unmöglichkeit.
Da Hofer wird kan Aufschwung in da Wirtschaft bringen, eher an Schwund – Sanktionen der EU wean sicher fuing.
Flüchtlinge wean a weiterhin üwa die Grenz kumman. Außer wir hom so a fette Mauer wie in dem schwulen Game of Thrones Scheißdreck, des warad ma a zdeppat do drüwa zu kreun.
Es wird weiterhin Oaweitslose gem. A neicha Präsident mocht aus faulen Owezahran ned auf amoi fleißige Hackler. Wir hom am Bau gnua freie Stellen ausgschriem und ma vadient vadaummt guades Göd! Owa wauns ihr permanent auf eicha Smartphone schauts und ane der ersten Fragen an mi folgende is: „Bist du da Fraunz vo Facebook? Sau geil, kennt i a Autogramm auf mein Akkudeckl und auf meine Oaweitshandschuach hom?“ – jo, daun frog i mi scho, obs ned eher ind Gschlossane stott aufn Oaweitsmoarkt gherats.
I hob den Hofer ned gwählt und trotzdem muas i der FPÖ eines aussprechen: Meinen Respekt!
Ihr hobts des gschofft, wos die aundaren Fraktionen ned gschofft hot – ihr hobts so vü Auhänger wie meglich zur Urne brocht und eana des Recht der freien Wahl ermöglicht. Ein Recht, wos in da heitigen Zeit leider vü zu wenig respektiert wird. Unsere Ahnen hom laung dafia kämpft und ihr huckts liawa daham beim Fernseher oder beim Computer.
So verändert ma nix! Weder seinen Lebenslauf, noch die politische Landkarte! Um wos zu verändern miasts eichan Oarsch hem und afoch a wengl wos mochn, es is total leicht. Es beginnt mit an Gang zum Wahllokal, an Kreizerl auf an Zettl, den ma in a Kuvert steckt und in a Wahlurne einehaut. So afoch könnten Veränderungen beginnen – durch euer Wegschauen, hot die gegenüberliegende Seite an großen Sprung in Richtung Veränderung gmocht. Olladings die Art vo Veränderung, die die meisten vo eich wui ned befürworten wean.
Persönlichkeitswahl hin oder her – i hoff, dass der überbezahlte Taxifahrer Werner F. endlich moi einsieht, dass er zu wenig Eier zagt. Und bitte vastehts des ned wortwörtlich, wäh… Wenn die Regierungsspitze zu wenig Biss zagt, daun valiert ma a den Respekt vor eana.
Oder glaubts leicht wirklich, dass si a Einbrecher vor an Hund auscheißt, der eam auspringt und vo oben bis unten obbusslt, weu a si gfreit eam zu sehng und eam danoch es gaunze Haus zagt? Na i glaubs ned…
Zu guter Letzt mecht i no song: NEIN, i hob ned fian Hofer gstimmt. Owa wenn er die Stichwahl gewinnt, daun is hoit so und wir miasns akzeptieren, ändern kemmas jo sowieso ned. Oiso scheißts eich ned unnedig au, die Demokratie wird ihre Entscheidung treffen. Denn:
Wir sind das Volk!
Is hoit nur die Frage, wos es Volk mocht.
I fia mein Teu gönn ma jetza a Glaserl Rotwein, woa a chaotischer Oaweitstog. Ned weng da gestrigen Woih, sundan weng dem deppatn Weda do draußn. Des is jo fost so varruckt wie da Lugner, weu wem hot des Weda heit ghuifn?
„N I E M A N D E N !!!!!“ ;)
Griaß eich, Seawas.
PS: Penis
