Mittlerweule hots scho fost jeder in den Nochrichten wahrgenommen: A Mau bricht in Wien in da Station Volkstheater im Aufzug zaum, weu er an Herzanfall ghobt hot. Er liegt am Bodn, kau nix mehr tuan, hot die Kontrolle üwa sein Körper valorn und da Todeskaumpf beginnt. Geistig wird a sicha no einiges um sich herum wahrgnumman hom. Wos geht an in dem Moment durchn Kopf?
„I muas sterbn! Na, i wü des ned.“ – ma suacht daun vielleicht noch den seidenen Faden, aun den ma si klammern kau um eventuell wieder zruck ins Lem zu kumman. „Vielleicht hüft ma wer, nur a boa Erste Hilfe Kenntnisse und i bin gerettet. Ois wird guat.“ Bledaweise hüft eam niemand. Der Mann liegt allanig im Aufzug und kämpft mit dem Tod, dem er unbedingt entrinnan wü. Währenddessen gengan Leid beim Aufzug vorbei und beachten eam ned amoi. Es gibt sogoa Passanten, de mit dem besagten Aufzug foahrn – sie foahrn mit dem sterbenden Mau, der am Bodn liegt und logischerweise ois aundare ois gsund wirkt, im gleichen Aufzug und unternehmen NICHTS!
„Warum höfns ma ned? I lieg doch vor eana. Wos hob i eana tau? Bitte höfts ma doch, i wü ned steam. Erfüllts ma den an Wunsch und rettets mi.“
Leider wird eam dieser Wunsch ned gewährt! Erst noch 5 Stunden unternimmt a Reinigungskroft wos und alarmiert die Rettungskräfte. De woan schnö do, olladings is der Mau trotz aller Wiederbelebungsversuchen gestorben.
Gestorben, weu olle Menschen bis auf die Putzfrau weggschaut hom.
Gestorben, weu die Menschen afoch kane Eier hom wenns darum geht fremden Menschen zu höfn!
Gestorben, weu Menschen Aungst hom vor Leid de am Bodn liegn, weus jo Sandler sei kenntn und des san jo ach so böse Leid!
Gestorben, weu afoch zu vüle Oaschlecha auf sich söbst schaun und Zivilcourage a Fremdwort is!
Zivilcourage – wos is des? Kaun ma des essen?
I hoff doch sehr, dass diesmoi die Videokameras der Wiener Linien ihren Zweck erfülln (ned so wie beim Fall „Bubi“) und ma die Personen de ned ghuifn hom ausfindig mocht. De ghean moi so richtig wegen unterlassener Hilfeleistung zur Rechenschoft zong!
Wenn mas gaunz hoat betrochtet, daun gheratns olle wegen fahrlässiger Tötung angeklagt, weu wenns ghuifn hättn, würd der oide Mau vielleicht no lem.
Ma kau si nur mehr fremdschämen. Genierts eich es Safnsiada!
Werde auch Du Teil unserer Community und nimm Kontakt zu Journalisten und anderen Usern auf. Registrier dich kostenlosund begeistere unsere Community mit deinen Kommentaren oder eigenen Texten/Blogbeiträgen.
