Moang is soweit. Die ach so groß angekündigte Wien Wahl geht üwa die Bühne. Juhu, endlich, danoch is hoffantlich wieda a Ruah und die Kaspern mochn eana Kabarett weida.

Die Erde wird sich weiterhin drehen, die Zeiten werden sich ned ändern, es wird weiterhin da Wind wehen, wir bleim auch in da EU und es werden immer no Menschen üwa die Grenzen kumman. Egal ob jetza Häupl, Strache, Mahatma Gandhi, Castro oder Da Fraunz (des bin i) Bürgermeister vo Wien wird. Ob ihr es glaubt oda ned, owa des is die Wahrheit.

Owa wie vor jeder Wahl, stellen sich vüle Menschen folgende Frage. Soll ich wählen gehen? Ja oder Nein?

Da Pädagoge in mir sogt: JO! Wir suitn froh sei, dass ma a Wahlrecht hom und somit selber mitbestimmen können. Oiso – wer des zu schätzen weiß, der geht morgen hin und mocht sei Kraxerl bei seinem favorisiertem Feld.

Da Bauhackler in mir sogt: Scheißegal, bringt si eh nix, a wenns an aundan Bürgermeister gibt. Entweder geht es Kasperltheater weida und wir hom ned wirklich Gründe uns zu beschweren, oder die Stodt geht wirklich den Boch owe.

Da Facebook Aktivist in mir sogt: Eichre Entscheidung, i zwing niemanden zu irgendwos. Owa eigentlich is die gleiche Meinung wie die des Pädagogen in mir. Kompliziert, gö?

Meine eigene Meinung sogt jedoch folgendes: Is ma beim Oarsch wurscht, i entscheide des spontan. Ob i jetzt higeh und ungültig wähle, oder afoch ins steirische waundan foahr (muas no den Wetterbericht auschauen) is a scho wurscht. Bei da letzteren Variante warad i jedoch in ana schöneren Umgebung und hätt sicher a schenares Tagesprogramm.

Es haßt immer wieder, dass a ungültige Stimme wichtig is, weu si die Parteien daun frong wos foisch gmocht hom. He, glaubts ihr den Schas wirklich? Die anzige Reaktion wos do kummt is folgende: „Ungültige Stimme“ *Zettel wird wegghaut* - des woas, mehr Beachtung griagt eichre Stimme ned. Do faungt kana zum Grübeln und Studieren au, de interessiern si nur für die gültigen Stimmen! Waun i mi ausaufn wü, daun hüft ma a alkoholfreies Bier a ned weida!

Und wenn ihr die Wahl zwischen folgenden Optionen hättets, welche würdets ihr wählen? Katzenscheiße

Kuhscheiße

Hundedurchfall

Elefantenscheiße

I persönlich greif ned wirklich gern in a Scheiße, desweng sog i „Nein, danke“, leckts mi am Oarsch und beehre de Leid mit meiner Abwesenheit. Owa nur wenn es Weda passt. Sunst geh i hoit gach hi und wähl mi söwa, so wie jedes Joahr. Irgendwaun wia i Bundespräsident, obs es glaubts oda ned!

Oiso fia olle de morgen ned wählen wuin owa trotzdem in Wien san: Geht’s zum Wahllokal und wählts „Da Fraunz“, daun kau nix schief gehen!

I wia sowieso ned Bürgermeister. Und wenn, daun wird a iagandwos schief geh, owa es wird immerhin lustig und ned traurig. Ajo, Freibier für alle wenn i Bürgemeister werd!

In diesem Sinne: Schönes Wochenende!

PS: Für die Leid mitn Argument „owa daun aufreng, weu si nix geändert hot“ oder „und daun üwa die Politiker aufreng“ etc… denan mecht i Folgendes song: Scheißegal ob i mi jetza söwa oda irgendan Scheißhaufn wähl – es wird IMMER scheiße aussakumman, egal bei wecha Partei, egal bei wechem Kandidaten. Wer gründlich genug schaut, der findet immer a Stickl Dreck wos eam stört. Vor ollem aus politisch neutraler Sicht geht des gaunz afoch. Sunst darad i mi jo ned selber wählen.

Peace