a gaunz a schwieriges thema. seit a boa wochn heast in de medien nix aundas. jeder redt drüwa, auf facebook, zeitung, wirklich üwaroi heat, lest, siacht ma das do leit san de hüfe brauchen, owa es rennt wos gewaltig foisch.

bis jz hob mi do aus jeda diskussion zu dem thema auskhoiden. beschäftigt hob i mi mit dem thema do. owa wie gestan DaFraunz auf Facebook an Status geposted hot zu dem thema, und i daun de kommentare glesn hob, bahhh do wiad an schlecht. wos de leit do teuweis schreim. i was a söwa nuned so wiaklich wos i ma zu dem gaunzn denk.

wos was i drüwa. ois erstes moi des wos in de medien steht. denan glaub i sowieso moi nua 50% vo dem wos schreiben, und das do selektiert wird, und politik dabei is was a jeder. vo duat heat ma: denan flüchtlingen gehts so schlecht, des essen is schlecht, es is zweng plotz, kana scheisst wos um erna. vorallem in traiskirchen is ja wahnsinn, vo afoch vü zu vü leit san. vo duat heat ma a vo massenschlägerein wos daun a a video geben hot. owa kloa, do kumt vü zaum, des is a kessel, irgendwaun kocht a üwa. do hob i mi daun gfrogt warum san duat sovü leit untabricht. i kaun jo a ned in da 0,5 glasl an liter bier eifün. wos moch i do? i nimma zweits glasl. warum nimmt ma fia de flüchtlinge ned a a zweits "glas" her? i glaub de frog muas i unsaren politikern stöhn. und wos i ma a denkt hob (und bitte vastehts mi do jz ned foisch), owa wenn wia grod absolut kan plotz in irgendan asylantenheim haum, warum sogt ma daun aun unsare EU-nachbarländer höfts uns, und nehmts bitte a a boa auf? deaf ma des üwahaupt? i hinterfrog gern ois ba soiche themen, nua leida griagt ma ned imma antworten.

weiters is a guade freind vo mia ba da polizei (jz werden glei amoi a boa buuhhhh schrein), dea hot jz scho zwa moi an 60 stunden dienst in traiskirchen gmocht. und daun a bissl wos dazöht. und des hot mi a zum nochdenken brocht. weil erm glaub i mehr ois jeda zeitung (natürlich imma nu mit hausverstand denga). hintergrund info: in traiskirchen gibts a sicherheitsfirma de eigl aufpasst, nua de kuman nimma zrecht, drum haums polizei dazua khoit. vorkommnisse vo de i erfahren hab: caritasmitarbeiter werden bedroht (mit messer), des essen (des olle duat essen) wird durchn speisesaal gschmissen, junge männer kuman zu an her, mochn mit da hand a pistole, hoidns da aum kopf und sogn "this is now our country, you will die for allah". da dolmetscher den duad haum sogt, de höfte vo de haum nie an krieg gsehn, de nutzen des aus und kuman so do her.

ziemlich schware sochn san des. a scho kheat hob i das a teil vo de leit ausm lager in traiskirchen, ob uns zua noch wien foad, handys fladan und drogen dealn. inwieweit des woa is, was ned.

auf da aundan seitn, gibts a leid de zu dia heakuman, und sie bedanken das do sei deafn, se griagn wos zum essen, und wauns schlofn miassns ka aungst haum das nimma munta werden, weis a bomben dawischt.

es is echt schwierig das ma se do a meinung büd. ma wiad jo sofuad augstempelt, entweder ois nazi oda ois gutmensch. de zwa lager gibts. i zähl mi zu kan. momentan bin i ba dem staund: wer hüfe braucht griagts und i hüf jedem gern der hüfe braucht. owa wenn wer nua in unsa laund kummt das a des asylsystem ausnutzt, und daun vl a nu kirminelle aktivitäten hot, hob i ka mitleid mehr. es gibt regeln ba uns. aun de hot ma se zum hoidn. und zwoa jeder. da präsi, da manager, da bauhackla, da lehrbua, da schüler, da flüchtling und da asylant. und wer de regeln bricht hot mit konsequenzen zum rechnan. leida kaun ma do soguad wie nix mochn. ma kaun erm nirgends hinschicken. er osgt in dem laund wo i heakum is krieg. duad bringans mi um. zack, menschenrechte, und ea is ausn schneider.

recht vü weida bin i nuned ba dem thema, owa i teil do jz amoi meine gedanken mit eich, üwa kommentare gfrei i mi.

bis boid, hawedere