Oiso,

Mei Arzt hat mir g`sogt, dass ich an Hauch leiser treten muss und hat dann so a bisserl hämisch g`lacht und g`mant, dass mir ja kane 25 mehr san.

Dabei is er um zwa Jahr älter als ich und i soll nun allanich leiser treten und er net?

Ich hab Zucker und einen hohen Blutdruck und meine Hüften is hin und meine Lungen hat a irgendsowas...des klingt wie a amerikanischer Kiwera oder so COP D...

Für was des D steht? Wer was? Vielleicht für Druckabfall oder hoit auf...ja..auf amerikanisch Kiwara Depperter.... na is ja wurscht.

Jedenfalls hat ma da G`scheide...also da Arzt (net da Kiwera) letztes Mal dazöhlt, dass seine Buam, de san Anfang 20, zu Besuch da war`n und zur Gaude auf`n Bam im Gart`n klettert san...hahahaha... und er wollt nach.

Na bis zur Hälfte is a kumman, dann hat er festg`stellt, dass er a net der Reinhold Messner is, sondern hoit nur mei Arzt, der ma sagt, was angeblich alles nimmer geht.

Nachdem i ja aber a guater Latsch bin und mei Frau sich dauernd Sorgen mocht, ess i hoit jetzt weniger Guglhupf und Schokolad und a kaum Schweinsbraten....

Und wenn i mein Arzt besuch nimm earm zwa Büdln mit. So wia diese Taferln von de Politiker im Parlament.

Das erste von an Mammutbam und a zweites mit an Riesen Guglhupf.

Beim ersten steht drunter "Besser du trittst leiser und bleibst unten" und beim zweiten "A wenn`s d leiser trittst schoff s d`mi locker"..........