Politik is do das wost am Zettl die Kreuzal machst .Da sagst wenst magst und dort maxhst halt dei X. I wollt das Kreuzal bei meim Wirtn machn. Der hat an Schmäh und den bestn Veltliner von Ottakring. Leida steht er net am Zettl drauf. Woit eam dazu schreibn, aba des deaf ma ja net. Hmm, oiso wen mag i sunst no? Soll ja nach Farbn gehn, Grün mag i, als Rapidler, was sunst? Oba, da soll ja a Frau vurn sein, naa, des geht net. De soll lieba in da Kuchl bleim und Schnitzl für mi machn.
Heast! Da hab i do beim Heurigen den an troffn, der hat ghassn wie a Salat, glaub i. Ja, Häuptl, des wars. Der war recht leiwand, nehm ma den. Aba wenn i mi irrn tu? I mach bessa danebn no a Kreuzl, bei Himmlblau, is a a schöne Farb.
An Ausweis woitns a ham. Mein Schein hab i nimmer, hams ma nimmer gebn. Dabei is eh nix gschehn, san alle ausgwichn. Da hab i dann mit 5 Vierteln intus zfuas ham gehn müssn. A so a schas. Mei Kartn vom Billa wolltns a net. Dabei steht eh mei Namen drauf, hab i gsagt, war erna wurscht. Jetzt muss i extra no amoi ham gehn, dabei fangt beim Wirtn grad mei Tarockrunde an. Nächstes Mal geh i nimma Kreuzerl machen, sollns doch de andan tuan, mia is eh wuascht was ausse kummt. Haupsach da Veltliner wird net teurer.
