Heite isa do - da Mamschitog

hechste Zeit, dass i ihr wieda moi sog

wie gern i sie mog

und wie tiaf i sie in meim Herzn mittrog

Long hob i ihr es Bauchal vo innen krotzt

doch irgendwaun is es daun aufgeplotzt

I woitat ausse in de große weite Wöd

oba wos soi ma mochn - so gonz ohne Göd

Da Papa hot imma nua zu mir einagsprochn

schließlich hob i ma docht - jez loss mas amoi krochn

kaum wor i draußt, hob i glei amoi plärrt

des hot ma bestimmt auf da hoibn Wöd gheat

De Mama hot si trotzdem extrem vü gfreit

sie hot übahaupt nix bereit

des schenste Ergebnis hots in ihre Händ ghoitn

und durfte dabei ihres Amtes woitn

Sie hot fost nie gscheit schlofn kenna

meinetwegen muaste sie imma a poor km mehr renna

I hob sehr gern an Lärm gmocht

doch irgendwaun wor sogor i miad - guade Nocht

Boid hob i meine erstn Worte ausabrocht

sie und da Papa haum dabei nur glocht

I hob des net vastondn und afoch weida gmocht

und dabei eben net nochgedocht

Es wurde Zeit fürn Kindagoatn

I kunnts scho gor nimma dawoatn

Meine besten Freind worn scho durt - mit ernare buntn Gwandln

I mog eich heit nu imma - hallo, meine liebn Stapelmandln

Letztere hob i dank da Mama a boid daham ghobt

des wor fir mi a Sensation - hob ihr dafir 1000 Moi danke gsogt

sie wor froh, dass i dadurch ruhiga wurdn bin

für sie in jeda Hinsicht a Gewinn

Schließlich stand da nächste Schritt am Programm - de Schul

Schau Mama, jetzt bin i a endlich cool

In a poor Monat kaun i lesn, rechna und schreibn

owa waun i wos Foisches iss, muas i trotzdem nu imma speibn

Vo da Volkschul gings ins Gymnasium

jez kriagst a schene Ollgemeinbüldung - oiso kumm

da Weg is wirklich nimma weit

und scho bist fürd Matura bereit

In diese zwöf Johr hot mi de Mama imma untastützt

des trotz ihra eiganen Orbeit - es hot wos genützt

allanig dafir bin i ihr ewig donkbor

da i was, dass des für si net afoch wor

Noch da Schul bin i zum Militär eigruckt

meine Fias haum scho entsprechend gjuckt

es wor sche, jedes Wochenende zu dir zurückzukehren

denn a stoiza Suidot hot genauso sei Mutta zu ehren

Söbst jetzt stehst ma a nu imma mit Rat und Tat zur Seite

des mochst so guad wie ka zweite

I was - ma kau si auf di imma valossn

dafir mecht i di heit in meine Arme fossn

Bevor du des liest, geh i nu schnö um a poor Blumen

Hoffentli gibts scho Blütn mit am schen Volumen

Da Blumenstrauß und i - do samma

Danke fia ois, liebe Mama