An olle Sesselkleba do draußt
woits haum, doss eicha Bohn boid wieda saust?
Schenk uns bitte ein Like auf Facebook! #meinungsfreiheit #pressefreiheit
Danke!
Hoffentli wird de Konzession valängat
warad do guad, wauns nu a poor Johr rennat
De Behörde wird schaun, ob ois passt
Sitzheizung, Bubbles und Wlan - des genügat scho fast
Heitzutog braucht jeda Sessel a integriertes WC
Rüst mas hoid noch - a poor Euro tuan doch net weh
Fette Stützn stehngan mittn auf da Pistn
fürd Obfohrt brauchst scho glei a Trickkistn
Stütznslalom hoast de neiche Disziplin
dabei valiert ma besondas vü Adrenalin
Spätastens jez wirds Zeit für Apress Ski
Vom vüln Fohrn gspiat ma seine Knie
de nächstn poor Stund werdn in da Hittn vabrocht
warum soi i numoi aufsteh - guade Nocht
Es is scho fost 16:00 Uhr
Fürs Bettal do nu a wengl zfruah
Fohr ma nu schnö mim Sessltaxi aufe
Hoffentli kumma vom Regn net in die Traufe
De Bohn sperrt fia heit zua
des derf doch net wohr sei - so a blede Kuah
I woit doch no a bissal fohrn
nun kaun i ma des oiso dasporn
Mit da zweitn Obfohrt beend i den Tog
obwoi i eigentli nu gor net aufhean mog
für muagn muas i jo fit sei
deshoib trink i heit ausnahmsweise kan Wei
