Im foigenden Text loss i moi meine geistigen Flatulenzen zum Thema Musik aus:

Musik is fia mi nebn Sex (den i eh scho ned hob) und Bier des wichtigste in mein Lem. Musik is wos, des mi oafoch scho imma begeistert hot. Ma find zu jeder Situation und Stimmung irgend a Liad des dazua passt.

Ogfonga hods scho ois Baby wia mi mei Vota und d Mama mit Bob Marley, Nirvana und Metallica beschallt hom, in da Hoffnung dass ma des gfoit. Tjo leida homs domois nu koan erfolg ghobt und i hob ma Kinderliada und Kiddycontestkasettn in Dauerschleifn einezogn wia a Junkie (respekt an mein Vota der des beim autofoan imma ertrogen hot miasn).

Mit steigendem oita wird da des hoit amoi z kindisch und ma hert dann ''erwachsenere'' Musi. Es is daun weitergaunga mit irgendwöche komischn und total damischen ''Bands'' de ma vom fernsehn (Super RTL) kennt. I konn mi jetzt nimma dro erinnern wia de ghoassn hom (wü i ah ned), oba i woas, dass won i ma de jetzt ohuachn dad, i ma wahrscheinlich an Gnadenschuss gib.

Jo weidagaunga is donn mit Charts ausm Radio. Vor 10 Joah host jo ah nu Radio hern kina ohne dasd an Hipsterkrebs gstoam bist. Des woa donn ah so circa de Zeit wo i donn ind Hauptschui kema bin. Domois woasd imma da Held wonnst a neichs Liad ois erster am Handy ghobt host. Gott behüte woa des a zache Partie, dass ma a scheiss Liad mit 4 MB aufs aufs Handy griagt. Do hots nu koa Internet am Handy gem und des Internet am Computer is nu mim Festnetztelefon zamghengt. Fia so a verschissenes Liad host scho moi Stunden verbracht bis dasd as am Rechner ghobt host (wonn d Mama ned wieder 3 Stund telefoniern muas). Dafia hot se des nochher auszoit wonnst as mit Inrarot in da gaunzn Klass verschickt host. Meistens host donn a nu an Preis dafia verlaungt. Und wonnst am End von da Pause mit 3 Packal Kaugummi und 5 Sackerl Haribo dostehst bist da vorkemma wia da greste Dealer.

So jetzt oba weida im Kontext:

De elektronische Musik hot imma mehr überhaund gnumma und ois junger Bursch daugt oan hoid sowos. Ois homma ghert! Von ''Scooter'' bis ''Gigi d'Agostino'' woa ois dabei.

Mit 12 hots donn an Moment in meina Musikgschicht gem, dem i mein heitigen Musikgschmack zu verdaunken hob. I und 2 Spetzln hom de Band ''Papa Roach'' entdeckt und es woa wos gaunz ondares auf oamoi. Jeder hert des elektronische Zeig und wir hom zu ''Hollywood Whore'' und ''Last Resort'' gfeiert. Des hot uns daugt - des hot wos rebellisches an sich ghobt.

Leider hot des gaunze ned laung ghoin...

I bin wieder zruck zur elektronischen Musik weil des oanfoch de meistn Leid ghert hom. Des hot se donn a ghoitn zu mindest fia a Zeit laung.

Ma wiad öda und mit 15 geht dann de fuatgeh Zeit oh. Total überzeugt davo, dass ma David Guetta in 50 Joah ah nu hern, is donn da erste Disco Besuch kema:

Wos duat ma mit 15 wonn ma in a Disco wü und as Gesetz/Mama (Mama is Gesetz) des ned wü?

RICHTIG ma ''schloft'' bei an Spetzl, dessen Oma zufällig a Taxlerin is, de wos de Türsteher guad kennt. Jo so schnö hob i goaned schuan kina bin i scho vorm Eingang gastaundn. Ogschissn hob i mi wia a Schwoazer beim KuKluxKlan weil i nu ned 16 woa. Gföschtn Ausweis hob i kan ghobt und de Schlong vorm Eingang is kürzer woan. Mei Spetzl hot scho an Ausweis herzoagt do kimmt da Seco zu mir: ''AUSWEIS!'' I woit scho wieder umdrahn, donn hob i de Oma vo mein Spetzl ghert ''passt scho der ghert zu mir'' (Danke nuamoi Renate). Jo und scho woa i drin.

Drinnen is zuagaunga wia in ana japanischen U-bahn – Haufenweis leid und koa Plotz. Olle woan öda ois i (zumindest homs so ausgschaut) und i hob koan Plan ghobt wos i do jetzt mochn soi. Oiso glei moi zur Bar und a Flügerl bestellt. Do hots ma eh glei moi d Hoa aufgstöht weil des Gsöff 5,40€ kost hod. Mei freind hod ma donn moi ois zoagt und so is daun dahi gaunga bis 1. Um 1 san don olle zur hauptbühne gaunga (i natirlich ah) weil duat anscheinend irgend a Act kummt. Kaum steh i duat siag i Stripperinnen und oane de oben ohne umadumspringt. Wia si herausgstöt hot woa an dem obend a Erotikball. Fia an 15 Jährigen der grod moi woas wia a sei rechte Hond (teilweise ah links) bedienen muas und nockte Depf nur ausm Internet kennt woa des natirlich ah Sensation. Olle ondan hom zur Musik tonzt und i bin do gstaundn und hob des erst moi genauestens beobachten miasn. Des is don a Stund so dahi gaunga und donn woa eh scho wieder vorbei. I hob auf jeden foi gwusst wo si dann dahoam moch wonn i alloa bin.

Jo da Disco besuch hot se donn ah scho dem Ende zugeneigt und wia san donn hamgfoan. Noch dem Obend woa ma k1oa – do muas i öfters hi (warum woi? :D)

So woas donn ah und i bin de nächsten 2 Joah fost jedes Wochenend auf irgend an Festl oder in da Disco gwen.

Zruck zum eigentlichen Thema:

I hob in der Zeit eigentlich nix ondas ois Elektro & House ghert weil wos ondas spüns duat eh ned. Irgendwann hob i dann de Schnautze voi ghobt von japanische U-bahnen und hob mei Liebe zu Bars/Lokale entdeckt. Bars san oanfoch fü cooler! Ma konn se mit de Leid in ana normalen Lautstärken und geht ned mit an Tinitus ham. So laungsam hab i mi dann von elektronischer Musik entfernt und mei Reggea Phase hot ogfongt. Bob Marley und des gaunze Programm (do sama wieder bei da Baby-Beschallung).

Dabei is oba ned laung bliebn.

I hab durch Zufoi nach 5 Joah wieder Papa Roach entdeckt und woa sofort wieder verliebt. De Nostalgie hot mi pockt und i hob ogfaungr nach ähnliche Bands zu suachn. Rise Against, Volbeat und Breaking Benjamin san donn dazua kema und so hot des gaunze sein Lauf gnumma. E-Gitarre, Schlogzeig und Bass hom mi immer mehr begistert und so bin i so langsam zum Metal kema. Da Musikgschmack is imma härter und älter worden und so san Bands wie Slayer, Black Sabbath, Metallica und Iron Maiden ind Playlist kema. I hab mi immer mehr mit dem Thema beschäftigt und immer mehr und mehr Bands gfunden. I hob gwusst i hob as richtige gfunden und so ís ah heid nu. I bin Stolz auf des was i hör. Des Zeig wos hei dim radio spün konn se eh koana mit hoibwegs an Musikgschmackk ohern. Ois nur nu am Computer gmocht ohne jeglichen Aufwand und Talent.

Deswegen bleib i liaba in de 70/80er do hams nu a guade Musik ghabt .

So bin i zu dem kumma wos i heid her.

Und an olle Kriegsveteranen de an 1&2 Wötkriag überlebt hom und se jetzt beschwern warum i ois grod moi 20 jähriger Wörter wia ''domois'' oder ''früher'' verwend. De Zeitspannen betrogn jo doch teilweise a poa joa und do konn i schlecht gestern oder vorgestern schreibn.

In dem Sinne ________

Nachtrag:

Inspiriert zum Schreiben bin i durchn Fraunz der eh ah auf F&F unterwegs is (leider jetzt nimma :().

I wü damit auf koan foi an Fraunz kopieren bzw. wü i ah ned mit erm verglichen werdn. Am Besten bleibt imma nu er ^^